Предыдущая публикация
ЯЛГЫШМАГЫЗ
Нинди төстә саф мәхәббәт,
Актан киенгәнме ул?
Әллә инде шәфәкъ нурын,
Алып сөенгәнме ул?
Күрәсезме аның төсен,
Ихлас булса хисегез?
Мәхәббәткә җырлар җырлап,
Сөю бүләк итегез.
Тик яралы күңелләргә,
Кагылыгыз сак кына.
Әйткән сүздән кайчагында,
Бәллүр хисләр ватыла.
Чын булмаса сөюегез,
Алдамагыз, көлмәгез.
Ялган хисне мәхәббәткә,
Ялгыш тиңли күрмәгез.
Гөлнар Әхмәтҗанова, Чүпрәле районы, Иске Ишле авылы. 31.05.2024. 21:38
Следующая публикация
Нет комментариев