Предыдущая публикация
Кеше йәре кәрәк түгел миңә,
Үҙемдекен бирмәм яттарға.
Һынауҙарға бирешмәйсә бергә,
Етәкләшеп йәнәш атларға.
Ҡайғылар ҙа беҙҙең уртаҡ булды,
Шатлыҡтарҙы бергә бүлештек.
Аҫыл таштан һарай һалмаһаҡ та,
Маҡсаттарға бергә ирештек.
Барыһын да күрҙек,көнсөлдәрҙең,
Кергәндәре булды араға.
Ҡайғыларым уңалмаған килеш,
Тоҙ һалыусы булды яраға.
Яҙмышыңа яҙған булһа йәрең,
Көнсөл заттар ғына айырмаҫ.
Парланышып ҡаҡһаң ҡанаттарҙы,
Ел дауылдар ғына ҡайырмаҫ !
Гөлиә М.
Следующая публикация
Нет комментариев