Предыдущая публикация
Ғарибе дар ғарибиҳо ба ёди хона мегардад,
Дилаш бо ёди фарзанду рухи ҷонона мегардад.
На ҳар марде кунад мардӣ зи баҳри волидони худ,
Сарам бар пеши пои он касе мардона мегардад.
Ҳамеша тозаву озода бошӣ, ҳар куҷо бошӣ,
Бидидам шахси бемӯро ба дасташ шона мегардад.
Ба сахтиву ба зӯриҳо нашуд қадри касе боло,
Бо золим будани инсон худӣ бегона мегардад.
Шунидам марди оқил карда тарки хонаву фарзанд,
Ва доим дар ғарибӣ дохили майхона мегардад.
Ҳамеша мекунад ёде зи ёрону диёри худ,
Ба гирди дӯстонаш Мустақим парвона мегардад.
18-02-2024
Мустақим
Следующая публикация
Комментарии 4