Предыдущая публикация
..........
ВАФО АЙЛА......
Ўзгаларга кўзингни сузма,
Менга вафо айла дилбарим.
Сен ишончнинг ипини узма,
Менга вафо айла дилбарим.
Йиллар аро сени изладим,
Гоҳи куйиб, гоҳи бўзладим.
Фақат сенга сирим сўзладим,
Менга вафо айла дилбарим.
Сени севдим жонимдан ортиқ,
Жонни сенга қилайин тортиқ.
Муҳаббатга қолайлик содиқ,
Менга вафо айла дилбарим.
Ошиқларинг бўлса ҳамки кўп,
Сени мендек севолгани йўқ.
Кел азизам айтақолгин-"хўп"
Менга вафо айла дилбарим.
Сенга назар ташласа биров,
Рашқ ўтида ёнаман лов-лов
Бу дунёлик умр бир синов,
Менга вафо айла дилбарим.
Само. (Саид-Мохидилло).июль 1999.
Следующая публикация
Нет комментариев