Сезнең игътибарыгызга өр-яңа җырыбызны тәкъдим итәбез.
Миләүшә Әхмәтҗанова-Усманова сүзләре, Альбина Нафикова көе, Ильшат Сагитов аранжировкасы, тавыш яздыру-Виталий Садретдинов.
"Җиңгәчәй" дип аталган бу җырыбыз, барча жиңгәчәйләргә рәхмәт сәләме булып барып җитсен.
Җиңгәчәй
1) Якты йөзле, нурлы йөзле
Киң күңелле җиңгәчәй.
Иртән - үрдәк, кичтән -казы,
Тәмле ашы, эссе чәй
Кулларыннан гөлләр тама,
Нинди генә эш белмәй!
Гармун уйный, җырлый-бии,
Безнең алтын җиңгәчәй!
Кушымта:
Ай җиңгәчәй, җиңгәчәй,
Салкын кышлар синдә - җәй.
2) Күзләренә генә баккан
Абыем кадерлемнең.
Гөлләргә хас чәчәк ата
Бергенәсе ул Кемнең!
Кемем, диеп кочып ала,
Абыйны сөеп кенә.
Калҗаларны, өлешләрне
Өләшә өеп кенә...
Кушымта:
Ай җиңгәчәй, җиңгәчәй,
Салкын кышлар синдә - җәй.
3) Кунак итә йөгереп безне
Җырлый-җырлый җиңгәчәй.
Кайтулар юк, мунчаң булган,
Йомшак түшәгеңне җәй!
Елмаюың, гүзәллегең,
Һич бетмәсен, җиңгәчәй.
Кунак ашы - капма-каршы,
Бездән - шулпа, синнән чәй!
Кушымта:
Ай җиңгәчәй, җиңгәчәй,
Тәмле ашың, кайнар чәй!
Кайтулар юк, урын җәй!
(Миләүшә Әхмәтҗанова-Усманова.)
Присоединяйтесь к ОК, чтобы посмотреть больше фото, видео и найти новых друзей.
Комментарии 18
Шундый матур, мэгънэле , жингэчэйлэрне мактап язылган шигыре очен Милэушэ ханыма чиксез зур рэхмэтлэремне житкерэм!
Җан кереткәнсең бит шигырьгә! Хәзер ул җанлы Җыр Зур рәхмәтләрем!
Шулай туа торсын әле иҗат җимешләребез!
Сузләре бигрәк матур бит шигыреңнең-ничек җанландырмассың!
Сокланам сезгэ!
Вәракыя әби әниемнең әнисе яклап туганыбыз. Ә Вәракыя әби белән Гыйндулла бабайның улы Рәзиф абый.
Аларда кунакта булганда туган юллар бу.
Рәхмәт сезгә, туганнарым!