Предыдущая публикация
Эряф кизотне.
**********************
Шиньке минь лиихть, коста и ардыхть
Кодама нинге кулят тейнек кандыхть ?
Ваномать инголе лангозон ванан,
Мзяра сьрмафкс тяни шамасон каннян!
Кизотне ётайхть, шумбрашись люпштави,
Сельмованомат каннемс ни сави!
Синьфтомост тяни якамс аш кода.
Инголен синьфтомост най равжа мода.
Ёран мон ласькомс, кода од пингста,
Ваймозе пидеви , молемста вишкста.
Комамста копорьце мяки аф стяви,
Уколнят путнемс кемоньчка сави.
Плманжатне чкрдыхть, сталмоть тя каннемс,
Сяльде эрь вене савихть синь ваннемс.
Одняста ронгонясь ульсь келу лаца,
Лиеньдезь лиелеть , бта ульсть пацят.
Кочкяря лангса туфлят мон щаян,
Лангсост аф молеван, ёфси мянь праян.
Пилетьне нинге кальдявста кулихть,
Изьятт эряф кизоса аф кржа улихть.
Мярьгихть кельгомс ни вий ули най!
Кельгомста эрьгясь бта аф имай !
Сельмотнень алятьнень лангс кда шарфтат,
Тонць валидол зепе потмаксса ванфтат.
Тяфтама эрямась тейнек ни сась!
Мелямське марнек пцтай ни имась.
Аньцек арьсемать прясот кундасак,
Ёрасак азомс, эсток юкстасак.
Коста кудстовок тумс ни лисят,
Аньцек аф мяляфцак коза срхкать!
Эрямать тяфтавок мон пяк ни кельгса.
Шкабавазсь менельса ломатнень вельхкса.
Шкайти мон кенярьдезь най сюконян,
Озондан, моран, коста кштиян.
Пара пяк эрямась тя валда шиса!
Аньцек ни эрямс фалу шумбрашиса!
23.11.2023. Галина Лаушкина
Следующая публикация
Комментарии 12
И учихть.., учихть…!!!!! Вдь, лувомок- лятьфтасазь юкстаф мокшень валхнень, да и лама мезе…!!! Эсь эздон- сазор.. мяляфтса , кода кочьксемасть эсь пялот, и, тяпонкс- седиван - бта лямбе кожфкясь валозь- валсы потмозень!!!