Предыдущая публикация
Мзярда сембе семьясь марса
+++++++++++++++++++++++++
Мзярда сембе семьясь марса,
Эста тефне молихть парста.
Куду кда пуроптама,
Тедяньконь вакс киреньтяма,
Кульсаськ тядяняньконь валнянц,
Сусксаськ танцти кшинянц- салнянц.
Мяштьстонк сембе сталмось прай,
Ваймонястонк ризфсь имай.
Нинге кеподьтяма мора:
"Панжи , панжи лайме порась."
Марса морське лаказь лакай.
Марса эряфське аф стака.
Куд потмосонк шинесь най валда,
Шкайнясь лезды, менельть алда.
Озондтама эрь ши-най,
Азса: "Ули вяре Шкай!"
Кода мялезонк минь пара!
Сяс , мес шабадонк сняра!
Кота стирьхть , цёраня фкя
Семьясонк сисем идня
Ладятама фкя- фкянь мархта,
Кенерьдемать васьфцаськ марса.
Сталмоть кирьдемс Шкайнясь
лезды,
Сембе пичефксть прафцы эздонк.
Панда лаца фкя- фкянь инкса
Стятама, аф мани пингста.
Кода тельмось сотнеф марса,
Стане семьясь эряй парса.
Тарадсь ськамонза имай,
Синдеви вармати, прай.
Кда тарадкетьне марса,
Сотнефт тельмоть потмос карькса,
Эста аф синдеви тельмось.
Стане аф прафтови семьясь!
Марсотама эрь иласта,
Лисеме фкя пизоняста!
Господь нас наградил семьёй
Крепкой, дружной и большой.
Нет ценней, родней семьи!
Где много радости, любви.
Вопросы все решаем вместе.
Идём по жизни только с песней!
В семье всё делим мы на всех,
Печаль ,и радость и успех!
Везде мы вместе и всегда.
Как птицы одного гнезда!
Друг за друга мы горой!
Семья -и есть наш дом родной!
Галина Лаушкина ( Будко)
30.09.2023.
Следующая публикация
Комментарии 37