– КIикIуниса ГIусманил букIараб цо къаркъала. БукIани щибха, гьудул, ГIизраил тIаде щведал ГIужилгIан кIудияб черх чапун ракьалда лъедал.
Чан кутакав речIухъан, ГIали ГIалиев гIадал, ГIумродул къоял тIагIун, къанабакье руссарал. Рельс квераца кьурарав къуваталъул бетIергьан – Балагье ГIали-Гъилич вачун арав хвалица.
Чан бечедал бизнесал,банкирал, казначеял, Кинабго нахъеги тун, гIолохъанго къанщарал; Бищун тохаб гIужалда гIажалги гьезие щун, ГIисинал лъимал-хъизан бесдаллъуда хутIарал.
ЧIаго нахъе ругелги, – щиб гьезий щвезе бугеб, Шагьадат битIун, тавбо гьабун, руссинчIонани? Гьеб давла боссе лъани, лъие щолеб талихI гьеб, Тавфикъ Аллагьас кьеги кантIи гьечIел васазе.
Сагlид Афанди (къуддиса сирругьу)
Присоединяйтесь к ОК, чтобы посмотреть больше фото, видео и найти новых друзей.
Нет комментариев