(Басня)
Гьар са касдихъ хас фикир
Вичин хесет, т1ул ава.
Садаз ,лап куьруь жигъир ,
Садаз ,девлет бул ава.
Мефтlерал тахьайла пас
Къанун жеда алакьар.
Авачалда гьеле кас,
Адамав жер агакьар.
Куьре патан халкьариз
Артух ийиз к1валахар.
Бязибуру , рази яз
Ийизвалда дамахар.
Ингье мад , ц1ийи проект
Са агъзур хеб къачуна.
Дагъдиз рекье твазвалда,
Гзаф рахун тавуна.
Хъсан чубан герек яз,
Гьакъи , ялда ч1ехини.
Вик1егь инсан хьурай вуч
Лигимнавай рекъини.
И ван хьайи къуншиди
Зверна Адаман патав.
Зун лап халис чубан я ,
Лугьуз рахана адав.
Кич1е туширди чирна ,
Чуьлда мич1и йифизни.
Жанавурдин хьтин рик1 ,
Авалда , гьа вичизни.
Рази хьана Адама
Рухсат гана хъфидай,
Тапшурмишна къуншидал,
Са чубанвал ийидай.
Яйлахрал гьатна рекье
Чубан, галаз суьруьни.
Жавабдар жеда лугьуз,
Хиве кьуна вичини.
Са пуд варз алатайла
Фена Адам яйлахрал.
Дустни къачуна вичин,
Ялар ягъиз булахрал.
Дамахдивди лагьана
Ч1уру ният авачиз,
Са гьерни тук1ваз твада,
Са рахунни алачиз.
И суьруь хуьзвай кьегьал
Къунши я зи вижевай.
Ша, хкаж жен а синел
Чка я ам, виневай.
Са хъсан гьер тук1вадай
Буйругъ гана чубандиз.
Ял ягъдай югъ хьурай къе
Вахт акъудин хъсандиз.
Тес-пачавал акатна,
Чубан къарагъна к1вачел.
Еке гьерев агатна
Тадиз ярхарна чилел.
Шишер гьазур жедалди
Къурухрайт1уз векьерин.
Фена чирна Адама
Кьадар вичин хперин.
Хцабайла суьруьдай
Пуд виш лапаг хьанач бес
И кар акур къуншидай ,
Дегиш хьана тадиз сес.
Я къунши им вуч кар я,
Гьинава амай хпер?
Хабар кьуна иесди
Экъисна вичин вилер.
Кьил агъузна есир яз
Гаф акъатнач чубандай.
Эхирки: зун тахсир я
Акъуд хъия зи чандай.
Сифте , лагьай тир за икl,
Инсан я зу винелай
Жанавурдин хьтин рик1,
Алудна, на рик1елай.
Ават1а лагь вуна заз
Ахьтин жанавур иер.
Вилик ч1ехи суьруь кваз
Т1уьн тавур вичи хпер.
Хъел къвемир ваз зи эмир,
Сив къаз жедат1а лагь, гьик1?
Сифтедай за лагьай тир
Жанавурдинди я , рик1.
..........................
МОРАЛЬ.
..........................
Эхтибар гъун хата я
Акваз, девирдин гьалар.
Намус, къайда хаха яз
Вилик фидан чи крар?
И кьисадай акурвал,
Кьил акъатдач къилихдай.
Садан фикир : куьмек гун,
Муькуьданди, чуьнуьхдай!
Присоединяйтесь к ОК, чтобы посмотреть больше фото, видео и найти новых друзей.
Комментарии 34
Сагърай!!! Мадни еке агалкьунар хьурай, ц!ийи шиирар чна вилив хуьзва!
Зи фикирдалди жанавурдин рик1 авай чубан т1вар кьуниз лайихлу хьанвач.
Т1вар кьун паталди игит хьана, магьшур хьана к1анзавайди я.
Къанундин вилик адаз къвезвай жаза за куьн я тахьайт1а к1елзавайбурун хиве твазва.
Сагърай куьн!