Предыдущая публикация
Тарцин уьмуьр.
Уьмуьр физвай тек са к/вачел.
Тарци къе зун желбна вичел.
Бегьерар гуз,фараш тир ам
Жезвачтlани йигинриз кам.
Хкажнавай гъилер цавуз,
Рагъ! вуна заз чим це лугьуз.
Руг ацукьиз кьац/узвай тан,
Марф хъчейла жезвай кlу бан.
Дувулар физ гьатиз чиле
Уьмуьр я, тар авай рекье.
Гагь рахадай гарухъ галаз
Сирер вичин лугьуз адаз.
Таб гуз тежез зулуз мекьи,
Пешериз тав ягъиз хъипи.
Тахьуй лугьуз пар хилериз
Вичин девлет гуз чилериз.
Азраилдиз гьалтай вичел
Гьазур я ам к/вачин кьилел,
Чан гуз ,нефес хьайила дар,
Ярх тахьана рекьида тар.
18-март2018.
Зи магьле.
Следующая публикация
Нет комментариев