Предыдущая публикация
Шушы берничә көндә генә дә дүрт табут кайтты районыбызга.
Хуш, бәхил булыгыз! Кичерегез, егетләр, безне, саклый алмадык Сезне!!!
ТАБУТЛАРДА САРЫ САГЫШЛАР
(МХО да Ватан өчен башын салган якташларыма багышлыйм)
Бер-бер артлы кайта табутлар,
Табутларда асыл егетләр.
Алар иде илнең терәге,
Ничек түзә Ана йөрәге?!
Кайгының бу чиксез ачысы,
Жаннарыңны телә кайчысы.
Табутларда япь-яшь язмышлар,
Табутларда сары сагышлар.
Тарих төзәтәлмәс ялгышлар,
Сугышларга ачы каргышлар.
Яңгыр коя, яшьни ут-яшен,
Галәм түгә ачы күз яшен.
Табутларда газиз балалар,
Илне саклап башын салганнар.
Калкан булып Ватан күкрәгенә,
Тирән йокыларга талганнар.
Онытылмас газиз батырлар,
Һәйкәл булып алар басарлар.
Рафига Усманова
20.07.2024
Следующая публикация
Нет комментариев