Предыдущая публикация
Үткәннәргә ишек ябык,
Анда яшьлек, балачак.
Анда әткәй, анда әнкәй,
Һәрчак көтеп торачак.
Үткәннәргә кайтып булса,
Кочар идем ишекне.
Яшь чагымны табар идем,
Сыйпар идем көчекне.
Ә үткәннәр болытларда,
Сәлам биреп очалар.
Күккә менгәч: хуш килдең, дип,
Ишекләрен ачалар.
Үткәннәргә ишек ябык,
Әмма бар да хәтердә.
Вакытның һәрбер мизгеле,
Булсын иде кадердә.
Венер ФӘТТАХ 20.07.2024 ел Михайловка
Присоединяйтесь к ОК, чтобы посмотреть больше фото, видео и найти новых друзей.
Нет комментариев