Գյուղ Արևմտյան Հայաստանում, Էրզրումի վիլայեթի Էրզրումի գավառումը, Էրզրում քաղաքից դեպի Թորթում քաղաք տանող ճանապարհի 19-րդ կիլոմետր հատվածում:
Այլ անվանումներն են` Դընարգոմ, Դինագոմ, Դինարիգոմ, Դինարկոմ, Դինարկում, Դնարիգոմ, Տինարգոմ, Տինարիգոմ:
Եղել է հին հայկական գյուղ: XIX դարի սկզբից հայերի հետ միասին ապրել են նաև թուրքեր և քրդեր:
1872-1873 թվականներին ուներ 69 տուն բնակիչ, որից 29 տունը՝ 269 բնակչով հայեր, իսկ 1912 թվականին՝ 102 տուն բնակիչ, որից կեսից ավելին հայեր էին:
Դինարգոմն ուներ Ս. Մինաս անունով հայկական եկեղեցի: Եկեղեցում պահպանվում էին հին հայկական ձեռագրեր:
Գյուղում գործում էր փոքրիկ հայկական դպրոց, որը XIX դարի 50-ական և 1872-1873 թվականներին ուներ 30 աշակերտ (20 տղա և 10 աղջիկ):
Գյուղի հայկական թաղը թուրքերի ձեռքով ավերվել է 1915 թվականի Մեծ եղեռնի ժամանակ, իսկ մնացած վերջին հայերը բռնությամբ տեղահանվել:
Այժմ Դինարգոմում (Մուրատգելդի) բնակվում են բացառապես քրդեր, և հայկականությունը հիշեցնող ոչինչ չկա, բացի հայաշեն տնքացող կիսափուլ պատերից:
Присоединяйтесь к ОК, чтобы посмотреть больше фото, видео и найти новых друзей.
Нет комментариев