Шу постга илова қилганим, сурати акс этган матохни нақд уч кун қидирдим. У оғир жаррохлик амалиёти ўтказилган қизча учун керак эди. Дорихоналардан, фирмалардан сўрадим, ижтимоий тармоқда "Врачи Ташкента" гуруҳига ёздим. Ахийри бир жаррох ҳамкасбим, курсдошим қўнгироқ қилиб қолди:
- ...Муаззам, ишхонамдан олиб кетинг. Жонлантириш бўлимидан сўраб олдим.
Учиб бордим. Йўл-йўлакай сарсон бўлиб юрган қизчанинг отасини ҳам тинчлантирдим. У хурсанд бўлиб ийманибгина яна бир илтимосини айтди:
-Опа, катта рахмат. Бугун ҳам қидирмаган жойимиз қолмаганди. Ёнимдаги шеригимга ҳам керак. Боласи оғирроқ, реанимацияда эди. Имкон бўлса биттагина қўшиб олинг. Пули нақд.
Иккита елимбоґич (лейкопластрь)ни қўлимга тутқизган ҳамкасбим пулимни олмади. Фақат ўзимни хам ўйлантириб турган саволни берди:
-Ўзи нега бу лейкопластрдан сўрашибди. Ахир бу барча касалхоналарда бор эканку...
-Билмадим,- дедим елкамни қисиб, мана телефонимда сурати ҳам бор. Қизчанинг отаси ташлаб берди. Ҳамширалар айнан шундан олиб келилар деганмиш. Ўзим ҳам хайрон бўлдим. Чунки " Веропласт" нинг антисептикли, мато асосликлари борку! Майли, сизга катта рахмат, барака топинг!
Иккита елимбоғични кўтариб касалхонага шошдим. Фарзандлари жаррохлик амалиётини ўтказган икки ота қўлимдаги матохни биллурдай авайлаб олар экан кўзлари ёшланди. Ҳамкасимни ҳам, мени ҳам роса дуо қилишди.
Шу пайт жаррохнинг ўзи ҳам чиқиб қолди, фақат уч кунда зўрга топилган матохни кўриб афти буришди:
-Хайронман, ким сизларга бундан олиб келинглар деди? Ахир бу сифатсиз пластир-ку! Ўзимизда, бўлимда тиқилиб ётибди. Германия, ёки Францияникини олиб келсангиз яхши бўларди. У антисептикли, уч кун турса ҳам жаррохлик ўрнидан сув чиқармайди.
Икки ота мунгайиб қўлларидаги қоғоз қутини чиқаришар экан секин овоз беришди.
- Бош ҳамшира айтганди дўхтир. Мана коробкасини ҳам берган. Бўлимда боласи апараса бўлган ҳамма дадалар шундан қидириб юришибди...
Дўхтир қолганини эшитмади. Қовоғи уюлиб, қўли мушт бўлиб тугилди. Карантин қойидалари қатъий эканига ҳам қарамай мени ичкарига бошлади. Тўгри бўлим бош ҳамширасининг хонасига кириб бордик. Зарб билан очилган эшик сасидан қўрқиб ўрнидан турган ҳамширанинг ахволига эътибор бермай бурчакда турган шкаф томон йўналди. Уни эшигини шахд билан очди. Не кўз билан кўрай, шкаф ичида ўша матохдан уюлиб турганди. Дўхтир боя оталардан олган қоғоз қутини бош ҳамширанинг бурнига нуқди:
- Буни сиз берганмидингиз? Айнан шундан топиб келишни сиз тайинлаяпсизми?
У помидордай қизариб, довдираб тили ғўлдираб қолди.
Столга бир мушт туширган жарррох бадтар асабийлашиб беихтиёр бақира кетди:
-Уят, виждонингиз борми ўзи?! Нахот ўзимизда бор нарса учун оталарни шунча сарсон қилсангиз? Мен дорилар хақида гапирмаяпман. Оддий лейкопластра! Бечоралар қидириб тополмагач фалончихондан сотиб олишади дейишса ишонмаган эдим. Ноинсоф! Боласи реанимацияда жон талашиб ётган инсонни ҳам югуртирасанми? Тешиб чиқмайдими! Аризангни ёзиб, йўқол!
Вазирни эмас, тизимни, тузумни ўзгартириш, ислоҳ қилиш вақти келмадими? Кечагина тугруқхонага бориб шаллақилик қилган ҳоким юз фоиз хақдир? Аммо асли айбдорлар ким? Балиқ думидан эмас, бошидан сасимайдими?
Имкон топган энг билимли, иқтидорли шифокорлар аллақон чет элларга бориб ишлашяпти. Хатто Африкадаги энг қолоқ Яман давлати ҳам шифокорларимизга тиланчилик қилмайдиган ойлик беряпти. Ёт элда қадр топган тиббиёт ходимлари меҳнатига яраша муносиб хақ олишяпти.
Бу ерда ким қолди?
Қоча олмаганлар!
Маълум бир сабаблар билан Ватанга ипсиз боғланганлар!
Қўшимча даромади борлар!
Эплаб пора олаётганлар! Мажбур пора олаётганлар! Виждонлилар ва виждонсизлар!
Тўғрида, тепадаги супервиждонсизлар меҳнатга муносиб хақ тўламагач, ҳамма томондан кемириб, пастга алқинди ташлашдан хазар қилмагач давлат текин берган елимбоғичдан ҳам, пул қилса бўладику!
Жаррох айтганидек мен дорилар хақида оғиз очмадим. Чунки фармацияни улкан бизнесга айлантириб соққани босаётган виждонсиз, имонсиз хайвонтабиат, манқуртлар фарзанди жон талашаётган отага ҳеч қачон ҳамдард бўлишмайди! Ўн хил аптекадаги ўн ҳил нарх, топилмаётган дорилар минглаб беморларнинг ўлимига сабаб бўлаётгани уларни асло қизиқтирмайди!
" Фалон уколни ўн донасини бир бузоқнинг пулига сотиб олдим..." деб ёзғирган отага интернетдан ўша дорининг асл нархини кўрсатгим келмади. Сабаби эллик километр ҳам чиқмайдиган Чимкентда шу дори виждонан, анча арзон сотилаётганини эшитса юрагини чангаллаб йиқилиши табиий эди...
Тавба, фақат биздагина шундай тайинловлар бўлиши мумкина? Собиқ вазир ректор, уни ўринбосари, ҳаммаслаги, ҳамтовоғи вазир... Чайилган ишлар, ёлғон статистика, йўқолган маблағлар, саноқсиз ўлимлар учун яна жавобгар йўқ!
Ўша ҳамшира хайдалдими, йўқми билмайман. Аммо қўлимдаги бир ярим ёш гўдагим билан таниш, аммо етти ёт бегона қизчага сифатсиз елимбоғични уч кун сарсон бўлиб, савоб илинжидагина қидирганим бир умр ёдимда қолса ажаб эмас.
Муаззам Иброҳимова
Присоединяйтесь к ОК, чтобы посмотреть больше фото, видео и найти новых друзей.
Комментарии 39
1 соатлар утиб врач хам пайдо булди эшикнинг олдида бемалол сигарет чекиб турди ок халатида. Ичкарига кираётганида кирайлик узок жойдан келганмиз дед сураган аёлга кутиб туринг деб кериб кетдияна 20 минутларда чикиб сигарет чекиб туриб охирида турган бир одамни киринг ичкарига деб киргизиб кетди. Очеред билан кирайлик вактимиз йук деган биринчи очереддаги аёлга кутинг мен бекорчиманми деб купол охангда эшигини ёпиб олди.
Шундай врачлар хам бор улиб колган одам билан иши йук.
Шахсан сизнинг хатингизни ҳам ўқиганим йўқ синглим. Узр. Рахматли Бахтинисога келсак мен у қизга чин дилдан, Аллох учун ёрдам бердим. Гийбатчи ва тухматчиларни эса Аллох хукмига хавола этдим. Агар бу борада бирор саволингиз бўлса момоси ёки жияни Воҳиджонни тел.рақамини бераман. Ёрдам керак бўлса +998946855019,
+998977534149 тел.рақамларим. Телеграмим бор.