********************
Ա*ստվածատուր ենք, հին, հնամենի,
Բ*յուր դարերի մեջ հար անպարտելի։
Գ*ոյը մեր վաղու՜ց փառքով ենք կնքել,
Դ*արերի խորքից տե՛ս ու՜ր ենք հասել։
Ե*րբեք չենք ծնկել, եղել ենք հպարտ,
Զ*որեղ ենք եղել ու ոգով անպարտ։
Է*ությանը մեր երբեք չենք դավել,
Ը*մբոստացել ենք ու չարը մերժել։
Թ*անկ է մեզ համար հող ու հայրենիք,
Ժ*անտ ոսոխն այստեղ չունի անելիք։
Ի*մաստությամբ մեր հաճախ ենք փայլել,
Լ՞ավերի շարքում միշտ տեղ գրավել։
Խ*արխափել ենք մենք հաճախ ցավի մեջ,
Ծ՞ով վիշտ ենք տեսել, տառապել անվերջ։
Կ*յանքը հաճախ է հային հարվածել,
Հ*այը երբևէ հանգիստ չի ապրել։
Ձ*եռագիրը մեր միշտ պարզ է, հստակ,
Ղ*եկավարվել ենք խղճով անապակ։
Ճ*իշտ ճանապարհից երբեք չենք շեղվել,
Մ*եր բախտը միշտ էլ հենց մե՛նք ենք կռել։
Յ*ուրահատուկ ենք՝ խելք ու տաղանդով,
Ն*վիրվել գիտենք, ապրել հավատով։
Շ*ունչ ու հոգի ենք տալիս քարերին,
Ո*րտեղ էլ լինենք, սերմում ենք բարին։
Չ*ի եղել հայը երբեք բռնակալ,
Պ*ատվով ենք ապրել, եղել միշտ արդար։
Ջ*անացել ենք միշտ արարել, կերտել,
Ռ*ոշնությամբ ենք աշխարհին հաղթել։
Ս*իրել մենք գիտենք, անկեղծ նվիրվել,
Վ*ստահ մեր ուժին միշտ առաջ քայլել։
Տ*արվում ենք հաճախ փառքի հմայքին,
Ր*ոպեական կործանում հոգին։
Ց*ավ է այդ գիծը հայերիս հոգում
Ու* հենց այդ գիծն է մեզ միշտ խանգարում,
Փ*ոթորկում ազգիս, նրան մասնատում։
Ք*աջ գիտենք ով ենք, որտեղից եկանք
Եվ* ուր ենք գնում չխնայելով ջանք։
Օ*րհնիր մեզ Աստված, օրհնիր մեր ճամփան,
Ֆ*ենոմեն ազգիս եղիր պահապան։
Սիլվա Գուլանյան
Присоединяйтесь к ОК, чтобы посмотреть больше фото, видео и найти новых друзей.
Комментарии 5