Предыдущая публикация
Бер-беребезгә булган
Сөюне бергә кушып,
Мәхәббәтебезне мәңге
Сакларга тырышып,
Күккә тиеп торган
Биек тау өярбез.
Теләкләре барларга
‒Иярегез,‒ диярбез.
Тау менеп, юл тотабыз
Биекләргә, үрләргә.
Ак бәхет сагалаган
Тәхетләргә, түрләргә.
Үзебезнең телебездә
Күгәрчендәй гөрләргә.
Яшикче яратышып,
Бирешмичә чирләргә.
Йөрәк тулы сәламнәр
Юллап туган җирләргә.
Сания Шәрипова, Башкортостан, Бүздәк
04.08.2020
Следующая публикация
Комментарии 1