Беларусы.
Някляеў Уладзі́мір Пракопавіч — беларускі пісьменнік, грамадска-палітычны дзеяч. Былы сябра Саюза пісьменнікаў СССР, сябра саюза пісьменнікаў Беларусі (быў старшыней суполкі). Намінант на Нобелеўскую прэмію (2011).
Нарадзіўся 9 ліпеня 1946, у Смаргоні (Гродзенская вобласць, на здымках). Дзіцячыя гады прайшлі ў Крэва (Гродзенская вобласць, на здымках руіны замка Крэва).
Вучыўся ў тэхнікуме сувязі ў Мінску. Працаваў сувязістам на Поўначы, у Сібіры, на Далёкім Усходзе, радыёмеханікам у мінскім тэлевізійным атэлье.
Займаўся на аддзяленні паэзіі Літаратурнага інстытута ў Маскве, скончыў філалагічны факультэт Мінскага педінстытута.
Працаваў: у газеце «Знамя юности», рэдактар бюлетэня «Тэатральны Мінск», рэдактар галоўнай рэдакцыі літаратурна-драматычных праграм Беларускага тэлебачання, галоўны рэдактар часопіса «Крыніца» («Родник»), штотыднёвіка «Літаратура і мастацтва» і інш.
Аўтар шматлікіх кніг паэзіі: «Адкрыццё», «Вынаходцы вятроў», «Знак аховы», «Наскрозь», «Галубіная пошта», «Вежа», «Прошча», «Так», «Знічы кахання» і інш. Выступае як празаік: раман «Лабух», кнігі прозы «Цэнтр Еўропы», раман «Аўтамат з газіроўкай з сіропам і без», кнігі літаратурных эсэ «Знакі прыпынку».
Раман Уладзіміра Някляева «Гэй Бэн Гіном» - пра жыццё і загадкавую смерць нацыянальнага генія Беларусі - Янкі Купалы.
Філосаф і культуролаг Валянцін Акудовіч: «напісаная Някляевым паэма «Ложак для пчалы» — «найлепшае, што я калі-небудзь чытаў, і адна з самых лепшых ва ўсёй беларускай літаратуры. Калі не найлепшая».
Уладзімір Пракопавіч быў абраны на пасаду старшыні Беларускага ПЭН-цэнтра.
Прымаў удзел у беларускай палітычнай барацьбе.
Лаўрэат шматлікіх прафесійных і дзяржаўных узнагарод за літаратурную дзейнасць:
Ордэн «Знак Пашаны»
Лаўрэат усесаюзнай прэміі Ленінскага камсамола
Лаўрэат Дзяржаўнай прэміі Янкі Купалы
Лаўрэат прэміі «Залаты апостраф»
Лаўрэат Першай прэміі Міжнароднага фестывалю славянскай паэзіі «Спяваючыя пісьмёны»
Лаўрэат міжнароднай прэміі Курта Тухольскага
Лаўрэат міжнароднай прэміі Браніслава Герэмека
Лаўрэат прэміі Ежы Гедройца
Лаўрэат міжнароднай прэміі Міхая Эменеску
Лаўрэат прэміі Наталлі Арсенневай
Медаль 100 гадоў БНР.
Творчасць Уладзіміра Някляева адметная публіцыстычнасцю, яскравасцю і дынамічнсцю.
P.S. Уладзімір Пракопавіч прымаў самы актыўны удзел па добраўпарадкаванню і аднаўленню Крэўскага замка.
Присоединяйтесь к ОК, чтобы посмотреть больше фото, видео и найти новых друзей.
Комментарии 1