11 ліпеня 1971, у весцы Пласток, Любанскага раёна Мінскай вобласці нарадзіўся Сяргей Георгіевіч Выскварка — збіральнік, даследчык і папулярызатар беларускай народнай танцавальнай культуры, харэограф, педагог.
Працаваў у дамах культуры Любаншчыны. Мастацкі кіраўнік Любанскага фальклорнага танцавальнага калектыва «Верабейкі».
Даследуе народную культуру Любаншчыны: запісаў звыш за 400 народных песень, 95 мясцовых танцаў (сярод якіх такія рэдкія творы, як «Войра карагодам», «Каваля», «Кадрыля на пяць штоф»), больш за 15 карагодаў і народных гульняў.
Аўтар публікацый, прысвечаных фальклору. Праводзіць майстар-класы танцаў.
Вядучы шматлікіх свят у гарадах і мястэчках Беларусі (Міншчына).
Присоединяйтесь к ОК, чтобы посмотреть больше фото, видео и найти новых друзей.
Нет комментариев