Ул Бөйөк Ватан һуғышын иҫкә төшөрә. Атайым Миңдеәхмәт ошо яуҙан, яраланған хәлдә лә, иҫән ҡайта алған. Инәйемдең бер туған ағаһы, Моталипов Зәйнетдин бабайыбыҙ, йәш кенә көйөнсә, яу яланында һәләк булған. Һис оноторлоҡ түгелдер. Кешелек өсөн һуғыштан да яманыраҡ бер ни юҡтыр ул. Әммә барыбер башҡорт батырлығына дан йырланды, шулай кәрәктер.
БАШҠОРТ АТЛЫЛАРЫНА
Киң далала дауыл ҡупҡанда,
Күкте ярып йәшен атҡанда,
Ғәзиз еркәй ҡанға батҡанда
Ир-атҡайҙар илгә ҡалҡандай.
Һай, егеттәре, ай-һай,
Һөлөк кеүектәр!
Ир-арыҫландар улар
Яугир бөркөттәр.
Мең тояҡтан тауҙар ҡалтырай,
Ҡындан сыҡҡан ҡылыс ялтырай.
Орандарҙан дошман ҡалтырай,,
Әләмдәрҙә балҡый ялтыр ай.
Һаҙаҡтарҙа уҡтар етерлек,
Йәҙрәләрҙән етеҙ егәрлек,
Ҡылыстарҙан дошман үткәрҙек,
Урал данын күккә күтәрҙек.
Сал тарихтан ҡайтҡан Аҡбуҙат,
Рухландыра батыр Салауат:
Беҙ үҙебеҙ башҡорт атлылар,
Ер һелкетеп осһон атлылар!
Присоединяйтесь к ОК, чтобы посмотреть больше фото, видео и найти новых друзей.
Комментарии 1