Міхаіл Варанец

ЛІКВІДАЦЫЯ

95 гадоў таму гаспадарку селяніна вёскі Мікулічы Брагінскага раёна Беларускай ССР Барысава Цімафея Анісімавіча (зямля, пабудовы, худоба, жыўнасць, прылады працы, іншая маёмасць) улады экспрапрыіравалі і аддалі ў толькі што створаны калгас “Чырвоны Кастрычнік”, а саму сям’ю вывезлі за межы Бацькаўшчыны, дзе Цімох і загінуў.
Цяпер мы ведаем, што такая нядоля гэтай і яшчэ тузіна мікуліцкіх сем’яў – не іх віна, не чыясьці памылка, не выпадковы збег акалічнасцяў, а старанна спланавая спецыяльная аперацыя пад назвай “Ликвидация кулачества как класса”, праведзеная па ўсёй тэрыторыі БССР ў канцы 1929 года і ў першыя месяцы 1930 года.
Тады з Беларусі на Поўнач і Усход СССР

АНДРЭЙ “КОРАНЬ” і КОРАНЬ ЗЛА

У артыкуле “ИЗ ЦЕРКОВНОЙ ИСТОРИИ БРАГИНСКОЙ ЗЕМЛИ” пра Мікуліцкі Багаяўленскі прыход іерэй Расціслаў БАНДАРЭНКА назваў імёны трох мікулян – Здаравец Андрэй Адамавіч [па мянушцы “Корань”], Крысенка Пётр Хокавіч, Лазебнік Сіман Мардухаевіч, якія ў 1937 годзе ў якасці сведкаў далі паказанні органам НКУС (рус. – НКВД) аб нібыта злачыннай дзейнасці Мікуліцкага свяшчэнніка Сяргея Леляўскага. 8 кастрычніка 1937 года Тройка НКУС БССР прымяніла да 59-гадовага айца Сергія найвышэйшую меру сацыяльнай абароны – смяротнае пакаранне.

I. ПЯКЕЛЬНАЯ СУВЯЗЬ

Ці варта называць імёны злачынцаў у органах АДПУ, НКУС, МДБ, КДБ і імёны іх памагатых, ці трэба дзеля гэтага адкрыц