Հուր հրեղեն նժույգ վայրի, լեռնակա՜ն,
Ե՞րբ մոխրացան կայծակները հրալի
Արձակվող քո սմբակներից բոցկլտան:
Ո՞վ է հիմա ասպետն այն սեգ,սխրալի
Նստած՝ առույգ,ամենազոր միջկունքիդ,
Ո՞ւմ ես տանում դե՜պի ծեգը լուսալի
Թողած ինձ մութ մայրամուտում թիկունքիդ:
Վերադարձիր, իմ թարմության հանգրվան
Գեթ մի պահ տար ինձ աշխարհն այն հեքիաթի ,
Ուր երբեմնի,դրախտի այգուց մայրական
Դու՜րս ելա ես,թնդաց ճիչը երկունքի:
Հե՜յ, իմ դալար կյանքի հավքեր պանծալի
Ո՞ւր չվեցիք, այդպես արագ հեռացաք,
Թևեցիք դե՜պ ծերպերն ի վեր լեռների
Թողնելով ինձ ծոցում վիհերի անտակ:
Ետ թևածեք իմ մաքրության փարոսներ
Խոյացեք դե՜պ անդունդները անհատակ,
Այնտեղ բանտած կյանքս որբ ու տնավեր
Տարե՜ք՝ձեզ հետ մի պահ ճախրեմ սանձարձակ:
Դուք շավիղներ,իմ քայլերի ոտնաբաց,
Իլիկ սրտիս մանած թելեր գալարուն,
Դուք էլ այժմ տատասկներով շղարշված
Անթեղել եք խաս հետքերն իմ դալարուն:
Ընծայեք ինձ մի ակնթարթ բաղձանքիս
Բաց արեք ձեր թավշե տեսքը ոսկելույս,
Գեթ ակնթարթ նայեմ մատղաշ հետքերիս
Գեթ վարկյանով բուժեմ սիրտս փշահյուս:
.. .. ..
Կարոտահար սիրտս այսպես սաղմոսեց,
Որ արյունը չսառչի հունում մշտաբար,
Դալար կյանքի թևիկներով սավառնեց
Վառ հուշերի կապույտներում կենսարար:
Արտավան Ս
Присоединяйтесь к ОК, чтобы посмотреть больше фото, видео и найти новых друзей.
Комментарии 56
Մանկությունս հե՛տ բերեք.....
Ախ, Արտավան ջան, սիրտս առաք Ձեր բռան մեջ, ինձ էլ ստիպեցիք հե՛տհայացք նետել իմ անցած կյանքի վրա' հիշողություններով ընկնել մանկանությանս գիրկը, անսանձ կարոտով հիշել, հիշել, հիշել....... Այս բարի ու էմոցիոնալ հիշողությունները մարդուն շա՜տ են օգնում..... Հոյակապ ու սիրտ ջերմացնող գործ է...... ՀԻԱՑՄՈՒՆՔՍ..... Շնորհակալ եմ ։Առողջություն Ձեզ, եղբա՛յր Արտավան ջան ։
Հոգիդ գրկեցի, քո կարոտը լացեցի…
Ամենապոետս, դո՛ւք այնքան գեղեցիկ եք արտահայտում ձեր ասելիքը, այնքան քնարական, նու՜րբ ու տեսանելի, որ թվում է կարող ես շոշափել այդ զգացումը, այն սերն ու գորովը, որ թևածում են տողերիդ մեջ... Կեցցես, պատվելիս հարգանքներով~Շուշաննա
Գրկեց խոսքդ իմ հոգին,
Զարթոնք ապրեց իմ խոնջ մուսան
Երգել ուզեց քո մասին:
Շ արմաղ ծաղիկ արևաբույր
Ու շքս դյութող զարդ վառման,
Շ ենշող տեսքդ հեզահամբույր
Ա նշեջ, ընդմիշտ լուսական
Ն երհուն շողք է,արփու համբույր
Փարված սրտիս՝ զառ Շուշան