Предыдущая публикация
Rasululloh (ﷺ) haqlarida siz bilgan va bilmagan ma’lumotlar (Albatta o‘qing)
1. Rasululloh (ﷺ) Odam alayhissalom hali ruh va jasad orasida turganlarida u zot (ﷺ) nabiy edilar.
2. Rasululloh (ﷺ)ning Odam alayhissalomgacha bo‘lgan nasablaridagi kishilarga biror fahsh ish yetmagan.
3. Rasululloh (ﷺ) Ahmad (Allohga eng ko‘p hamd aytuvchi) deb nomlandilar. U zotdan oldin biror kishi bunday nom bilan nomlanmagan.
4. Rasululloh (ﷺ) kechasi och qorinda uxlab, tongda qorinlari to‘q holda uyg‘onardilar. Alloh u zotni taomlantirib qo‘yar edi.
5. Rasululloh (ﷺ) old tomonni qanday ko‘rsalar, orqa tomonni ham huddi shunday ko‘rardilar.
6. Rasululloh (ﷺ) kunduzi qanday ko‘rsalar, qorong‘u kechani ham huddi shunday ko‘rardilar.
7. Rasululloh (ﷺ)ning tupuklari sho‘r suvni ham chuchuk qilar edi.
8. Rasululloh (ﷺ) dushmanlarning qalbiga bir oylik masofadan qo‘rquv solardilar.
9. Rasululloh (ﷺ) biror marta ham esnamaganlar.
10. Rasululloh (ﷺ) va boshqa payg‘ambarlar hech qachon ehtilom bo‘lishmagan.
11. Rasululloh (ﷺ)ning terlari mushkdan ham hushbo‘y bo‘lgan.
12. Rasululloh (ﷺ)ning soyalari bo‘lmagan. U zot tamomila nur bo‘lganlar.
13. Rasululloh (ﷺ)ning kiyimlariga biror marta ham pashsha qo‘nmagan.
14. Rasululloh (ﷺ)ni biror marta burga va hasharot chaqib, aziyat bermagan.
15. Rasululloh (ﷺ) mingan ulov biror marta tezak tashlamagan, bavl qilmagan.
16. Rasululloh (ﷺ) dunyoga kelganlarida kohinlar osmondan xabar ololmay qolishgan.
17. Rasululloh (ﷺ) Me’roj kechasi barcha payg‘ambarlar va farishtalarga imom bo‘lib namoz o‘qiganlar.
18. Rasululloh (ﷺ)ning ummatlariga butun yer yuzi masjid qilib berilgan.
19. Rasululloh (ﷺ) boshqa payg‘ambarlar davrida kelganlarida, boshqa payg‘ambarlar u zotga ummat bo‘lar edilar.
20. Rasululloh (ﷺ)ning ummatlariga u zotni ismlari bilan chaqirish harom qilingan
(Nur surasi, 63)
21. Rasululloh (ﷺ)ning sahobalariga u zotning ovozlaridan baland ovozda gapirish harom qilingan
(Hujurot surasi, 2)
22. Rasululloh (ﷺ)ning huzurlariga farishta Isrofil alayhissalom tushganlar. Bu farishta u zotdan oldin hech qaysi payg‘ambarga tushmagan edilar.
23. Rasululloh (ﷺ)ning oldingi va keyingi gunohlari kechirilgandir
(Fath surasi, 1-2)
24. Vafot etkan bandadan qabrda Rasululloh (ﷺ) haqida so‘raladi, boshqa payg‘ambarlar haqida so‘ralmaydi.
25. Rasululloh (ﷺ)ni tushida ko‘rgan, haqiqatdan ham ko‘rgan bo‘ladi. Chunki shayton u zotning su’ratiga kira olmaydi.
26. Rasululloh (ﷺ) bir kishini chaqirsalar, o‘sha inson namoz o‘qiyotgan bo‘lsa ham, u zotga javob berishi vojib bo‘lgan.
27. Rasululloh (ﷺ) vafot etkanlarida sahobalar imomsiz guruh-guruh bo‘lib janoza o‘qiganlar. Va bu namozlarda Janozadagi mashhur duo o‘qilmagan.
28. Rasululloh (ﷺ)ning muborak badanlari chirimaydi.
29. Rasululloh (ﷺ)ning qabrlariga bir farishta muvakkal qilinib, u zotga salovot aytganlarning salovotlarini yetkazib turadi.
30. Rasululloh (ﷺ)ning qabrlari Qiyomatda birinchi ochiladi. Oxiratda u zot yetmish ming farishtaning qurshovida bo‘ladilar.
31. Rasululloh (ﷺ) Sirotdan birinchi bo‘lib o‘tadilar.
32. Rasululloh (ﷺ) Mahsharga Buroq degan otga mingan hollarida keladilar.
33. Rasululloh (ﷺ) Mahshar kuni Arshning o‘ng tomonida shunday maqomda turadilarki, u zotdan boshqa hech kim u yerda turmaydi.
34. Rasululloh (ﷺ) Jannatga birinchi bo‘lib kiradilar.
35. Rasululloh (ﷺ)ning ummatlari Qiyomat kuni birinchi so‘roq qilinadi.
Следующая публикация
Нет комментариев