Міхала Арханёла
29 верасня смаргонская парафія св. Міхала Арханёла адзначае свой парафіяльны адпуст. У гэтым годзе ўрачыстасць была асаблівым чынам спалучаны з святкаваннем 520-годзя з дня заснавання гэтай парафіі ў г. Смаргонь. Аднак і гэта не было найважнейшай падзеяй. Кульмінацыяй сталася урачыстая кансэкрацыя новага эўхарыстычнага алтара святыні. Апошні кансэкраваны алтар быў у смаргонскім касцёле знішчаны атэістычнымі ўладамі пасля вайны, таму гэты акт асвячэння новага ахвярніка з’яўляецца асаблівай данью справядлівасці храму, які так шмат цярпеў, а сёння паўстаўшы з руін лунае над горадам.
Перад распачаццем святой Літургіі, сабраныя вернікі прывіталі прыбыўшага на урачыстасць дапаможнага біскупа Мінска-Магілёўскай архідыяцэзіі Юрыя Касабуцкага. Пасля традыцыйнага беларускага хлеба ды соллі на прывітанне, біскуп падышоў пад вежу касцёла, дзе адбылася малітва асвячэння новай сістэмы званоў, якую вернікі падаравалі касцёлу на юбілей.
Урачыстая св. Імша распачалася у поўзмрочным касцёле. Расвятленне і запаленне ўсіх свечак святыні адбылося толькі пасля кансэкрацыі “сэрца святыні” - алтара. Напачатку іерарх акрапіў святой вадой сцены касцёла, алтар і вернікаў. Пасля усеагульнага вызнання веры распачаўся чын кансэкрацыі алтара Эўхарыстыі. Напачатку разам, вернікі заспявалі літанію да усіх святых, просячы заступніцтва жыхароў Неба для сваёй парафіі. Пасля бп. Юрый уклаў у алтар рэліквіі бл. Мучаніка Стэфана Шандора. Пасля таго, як рэліквіі і капсула з дакументам аўтэнтычнасці рэліквій і актам асвячэння алтара, падпісаным біскупам і пробашчам парафіі, былі замураваныя ў алтар, біскуп прамовіў над алтаром малітву і намасціў каменную пліту(мэнсу) алтара святым алеем. Намашчэнне алтара алеям-хрызмам, які благаслаўляецца біскупам у Вялікі Чацвер, становіцца сімвалам Хрыста, які перад усімі быў намашчаны і гэтак названы. Пасля намашчэння, на алтарную пліту была пастаўлена кадзільніца з распаленымі вуглямі для акаджэння. Гэты знак паказвае, што ахвяра Хрыста, якая пастаяннна ажыцяўляецца ў таямніцы, уздымаецца да Бога як прыемны водар. Пасля акту кансэкрацыі, была асвечана дубовая алтарная настава з абразом Найсвяцейшага Сэрца Пана Езуса, які намаляваў мастак Вячэслаў Аўгусціновіч. Таксама ў дары, вернікі прынеслі прад алтар новую харугву ў гонар св. Міхала Арханёла.
На заканчэнне Эўхарыстыі адбылася тэафарычная працэсія па вуліцах горада. А пасля яе, сабраныя на касцёльным дзядзінцы вернікі былі сведкамі асвячэнне новай фігуры св. Міхала Арханёла, якая была ўсталявана ля смаргонскага храма. Аўтарам скульптуры стаў Вадзім Мацкевіч, які прадставіў Арханёла, як пераможнага ваяра Божай любові, які замест зброі трымае ў руцэ харугву-крыж – адзіную зброю вучняў Хрыста.
Присоединяйтесь к ОК, чтобы посмотреть больше фото, видео и найти новых друзей.
Нет комментариев