Предыдущая публикация
Юлым дауам итә. Сыуаш иле.
" Авани!" ҙыр минең тәүге һүҙ.
Был ҡәрҙәштәр үтә егәрле шул,
Пөхтәлекте күреп ҡыҙа күҙ.
Эйе - ҡәрҙәш, шул уҡ төрки халыҡ -
Аңлап була яйлап тыңлаһаң.
Борон - борон, ҡайһы замандалыр,
Тамыр уртаҡ булған, уйлаһаң.
...Люба, Люда, Валя, Феня, Тоня... -
Минең хәтирәләр ҡояшы...
Башҡорт телен улар һыуҙай эсте,
Икмәк - тоҙлоҡ ине "сыуаш"ым.
"Пелеш" булды беҙҙең атайҙар ҙа,
Бергә һөрҙө иген ҡырҙарын.
Үҙ телендә һөйләп аңлаштылар,
Бер үк көйгә һуҙҙы йырҙарын.
Сыуаш иле, юлым төштө һиңә,
Ихлас күңел менән ҡыуанам!
...Гриша, Петя, Соня, Рая, Федя...
Иҫтәлеккә сумып йыуанам.
Гөлкәй И.
Присоединяйтесь к ОК, чтобы посмотреть больше фото, видео и найти новых друзей.
Нет комментариев