Предыдущая публикация
Юлбарыс мәкерле хайван,
Елы да шундый булды,
Көтмәгәндә күп халыкның
Тормышын кискен борды.
Бик куркытты, калтыратты,
Күрсәтте ерткычлыгын,
Куянны көтәбез хәзер
Күрсәтсен тынычлыгын.
Җәен соры кышын ак,
Куян төсен үзгәртә,
Кайда гына йөресәдә
Посып кына күзәтә.
Куян кебек барлык илләр
Тактикасын үзгәртсен,
Җир шарындагы халыкка
Муллык, шатлык күрсәтсен.
Илебезне коткара күр
Санкцияләрдән, сугыштан,
Халыкның башы әйләнсен
Тыныч иркен сулыштан.
Чит илдән килгән халыкны
Кайтар туган иленә,
Төптән чыккан эшче халык
Кирәк туган җиренә.
Аларны тоткан акчага
Балалар дәва алсын,
Пенсиянерның ял итәргә
Акчасы артып калсын.
Куян син бит изге хайван,
Өстәвенә бик җитез,
Җир йөзендә бар халыкны
Яшәт әле бер тигез.
Депутатларны күктән төшер
Эшче халык янына,
16 мең акча алып
Яшәсеннәр барына.
Бәлки алар аңлар иде
Ничек иген үсүен,
Алтмыш бишкә җитәлмичә
Ирләр үлеп китүен.
Коммуналь уңайлыкларга
Ни өчен хак артуын,
Эшче халык тешен кысып
Ничек донья тартун.
Балаларын кайтар читтән,
Эшләсеннәр бил бөгеп,
Җитәр можорить итәргә
Танауны күккә чөеп.
Ә безне яшәтеп кара
Депутат акчасына,
Эх, очар идек Дубайга
Мөгҗиза бакчасына!
Премия булсын иде дип
Дүрт күзләп көтмәс идек,
Кыска юрганны тарткалап
Куянкаем без туйдык.
Утка, суга, газга,чүпкә
Иркенләп түләр идек,
Күпме хаклар артканын да
Алардай белмәс идек.
Яңа ел алып кил безгә
Сынауның түзәрлеген,
Күрсәт барлык халыкларга
Тормышның гузәллеген.
16.12.2022 Г.Г. Ганеева
Следующая публикация
Нет комментариев