Предыдущая публикация
Все есть у нас дом свет хлеб , но...
Һәр йөҙгән өйрәк түгел,
һәр осҡан турғай түгел,
Үҙен бутҡа итеп тойған
һәр ярма бойҙай түгел.
Һәр шытҡан орлоҡ түгел,
Һәр үҫкән башаҡ түгел,
Үҙен ҡояш итеп тойған
Һәр янған усаҡ түгел,
Һәр һөҙгән тәкә түгел,
Һәр саҡҡан йылан түгел.
Үҙен һоҡланғыс тойған
Һәр һомғол болан түгел.
Һәр өргән сәүек түгел,
Һәр һайраған ҡош түгел,
Һәр инҡар - кире ҡағыу,
Һәр бер хуплау йоп түгел,
Һәр ялтыр алтын түгел,
Һәр ҡорос ҡылыс түгел...
Барыһын аңлай күңел,
Һәр тынлыҡ тыныс түгел,
Таңһылыу Ҡарамышева.
Следующая публикация
Комментарии 6