Йолташ-влак!
16 августышто 17:00 шагатлан Оласе администрацийын залыштыже черетан Марий калык погыныш делегат-влакым сайлымаш лиеш. Чылан Йошкар-Олаште илыше марий-влак шке кумылышытым ончыктен, марий калыкнан ончыклыкшо верч тургыжланыже-влакым делегатыш сайлен кертыт. Тидлан пелен айдемын шке паспортшо да поро марий кумылжо лийшаш.
Мутат уке, кажне изи калык тиде Ош тӱняште вержым шке огеш ырыкте гын, ӧрдыж гыч толын тидым нигӧ огеш ыште. Садлан марий калыкынат, очыни, шке ончыклыкшо верч келгынрак шоналташ жап шуын - 22 курымышто калыкна могайрак лиеш? Шочмо йылмыжым, тӱвыражым, йӱлажым, шочмо мландыжым, пӱрымӧ тӱсшым арален сеҥа мо? Уло мо ала-могай йӧн шке ончыклык верч надырым ыштен кодаш? Кеч Погын Кугу пайрем семын эрташ тӱҥӓлеш гынат, икмыняр йодыш-влакым лончылаш пиал шыргыжал кертеш.
Жапда уло гын, марий йылме верч чонда йӱла гын, ший койышан ший марий калык ончылно кугарнян кастене ший кумылдам вияҥден кертыда.
Юмо вӱда - ме каена!
Фотошто "У вий" ушемын активистше-влак дене пырля самырык толкын поро йолташыже-влак https://kidsher.ru/ru/society/49210/
Присоединяйтесь к ОК, чтобы посмотреть больше фото, видео и найти новых друзей.
Нет комментариев