Предыдущая публикация
Փառք ԱՍՏԾՈՒՆ Իր սիրելի Միածին ՈՐԴՈՒ համար, որ աշխարհ ուղարկեց մեղավոր մարդկանց համար:
ՏԵՐ ՀԻՍՈՒՍԸ մեղավոր մարդու համար մարդկային մարմին հագավ, որպեսզի մարդկանց մեղքերը իր վրա վերցնելով, ազատագրի մարդուն մեղքի դատապարտությունից, որի հետևանքը Դժողքն է,որպես ժամանակավոր վայր և հետո ծծումբով այրված Կրակե Լիճը՝ հավիտենական վայր:
Թեև ԱՍՏԾՈ ՈՐԴԻՆ, Իր Առաքելությունը կատարեց երկրի վրա, Խաչելությամբ ողջակիզվելով ԱՍՏԾՈ առջև, որպես Մորթվող Գառ մարդկության մեղքերի համար և ընդունելի գտնվեց Հրաշափառ Հարություն ստանալով, սակայն
որպեսզի մարդը չդատապարտվի իր մեղքերի համար և չգնա Դժողք, պետք է ԱՍՏԾՈ պայմանը կատարի և այդ պայմանը Հավատաքն է:
ՀՈՎՀԱՆՆԵՍ 3:
16 Աստված այնքան սիրեց աշխարհը, որ իր միածին Որդուն տվեց, որպեսզի ով նրան հավատում է, չկորչի, այլ հավիտենական կյանք ունենա։
ՀՈՎՀԱՆՆԵՍ 3:
36 Որդուն հավատացողը հավիտենական կյանք ունի, իսկ Որդուն չհնազանդվողը կյանք չի տեսնի, այլ Աստծու բարկությունը կմնա նրա վրա»։
ՀՌՈՄԵԱՑԻՆԵՐԻՆ 10:
9 Որովհետև եթե Հիսուսին քո բերանով Տեր դավանես և քո սրտում հավատաս, որ Աստված նրան մեռելներից հարություն տվեց, կփրկվես.
Շրթունքների դավանությունը միմիայն վավերական է, երբ սրտանց հավատաս:
Սակայն սա այն հավատքը չէ, որ այսօր շատերը հավատում են, որ Երկնքում կա մեկ ԱՍՏՎԱԾ և Նա Իր ՈՐԴԻ ՀԻՍՈՒՍԻՆ ուղարկեց աշխարհ, որ մարդկանց համար Զոհ եղավ և Հարություն առավ, այլ ավելին.
Լսել (կարդալ) Փրկության Ավետարանը,
Հասկանալ, որ մարդը մեղավոր է և Դժողք է գնում, սակայն ԱՍՏՎԱԾ Փրկության Միջոց է շնորհել մարդկությանը, որ ՀԻՍՈՒՍ ՔՐԻՍՏՈՍՆ Է, Ում միջոցով մարդկանց կազատի մեղքի դատապարտությունից՝ Դժողքից,
Հավատալ Աստվածաշնչյան Ճշմարտությանը և վստահելով ԱՍՏԾՈՒն, ապաշխարել մեղքերի թողության համար՝ ընդունելով ՏԵՐ ՀԻՍՈՒՍԻՆ, որպես ՏԵՐ և ՓՐԿԻՉ:
Սա պետք է լինի քեզ համար որոշում, քո կյանքիդ մեջ ՏԵՐ ՀԻՍՈՒՍԻՆ առնելու և Նրանով առաջնորդվելու:
Այսպիսով սիրելի ժողովուրդ, մեր միտքը առնենք, որ
ՏԵՐ ՀԻՍՈՒՍԸ Ծնվեց և եկավ խավար աշխարհ, որպեսզի ուրախությամբ Խաչը բարձրանա և հրաշքով Հարություն առնի և այդ ամենը Նա կատարեց, որպեսզի հավատալով մենք ունենանք Լուսավոր Ապագա՝ Հավիտենական Կյանք:
Ահավասիկ նշում ենք ՏԵՐ ՀԻՍՈՒՍԻ Ծննդյան տոնը՝ ազգովի, սակայն կա ավելին.
Երանի այն ազգին և բոլոր նրանց, ովքեր հավատալով ԱՍՏԾՈ պայմանը կատարում են և ՏԵՐ ՀԻՍՈՒՍԸ Ծնվում նրանց սրտում և ապրում է իրենց կյանքում:
ՔՐԻՍՏՈՍ Ծնվեց և Հայտնվեց, մեզ և ձեզ Մեծ Ավետիս:
❤️🙏
Следующая публикация
Нет комментариев