გადმომხედე შენი ზეციური სიმაღლიდან და დიდებიდან, მე, შენს ფეხებთან დაცემულს და შენდამი შემოვედრებულს, შეისმინე ჩემი ცოდვილი ლოცვა და მიიტანე იგი შენს მხოლოდშობილ ძესთან: სთხოვე მას, გაანათოს ჩემი დაბნელებული სული თავისი ღვთაებრივი სინათლით, განმათავისუფლოს ყოველგვარი გასაჭირისა , მწუხარებისა და დარდისაგან, მომანიჭოს ჩუმი და მშვიდობიანი ცხოვრება, ჯანმრთელობა და სულიერი სიმშვიდე, დაამშვიდოს შემუსვრილი ჩემი გული, განკურნოს მისი ჭრილობები, ჩამაგონოს კეთილი საქმენი განწმინდოს ჩემი გონება ამაო აზრებისგან, დამაყენოს თავისი კანონების შესრულების გზაზე, გამათავისუფლოს მუდმივი ტანჯვისაგან და ნუ მომაკლებს ცათა სასუფეველს.
ჰოი, ყოვლადწმინდო ღვისმშობელო, ყოველთა მწუხარეთა ნუგეშინისმცემელო, ნუ მოაკლებ ნუგეშინისცემას ჩემს მწუხარე სულს. დარდის განმაქარვებელო, განაქარვე ჩემი დარდი.
შენ, შეუწველო მაყვალო, შეგვინარჩუნე მშვიდობა, დაგვიცევ ბოროტის განმანადგურებელი ცეცხლოვანი ისრებისაგან.
დაღუპულთა მსაჯულო , არ დაუშვა ჩემი დაღუპვა ჩემივე ცოდვების უფსკრულში: იყავი ჩემი მფარველი ჩემს დროებით ცხოვრებაში და მუდმივი შუამდგომელი და მეოხი შენი ძის იესო ქრისტეს წინაშე. მასწავლე მე, ვემსახურო მას სარწმუნოებით და სიყვარულით თაყვანი ვსცე.
მაწავლე მე შენი სიყვარული ყოვლადწმინდაო ღმრთისშობელო, ღვთითმიმადლებულო მარიამ,შენს წმინდა ლოცვებს ვავედრებ ჩემს თავს უკუნისამდე. ამინ!
Присоединяйтесь к ОК, чтобы посмотреть больше фото, видео и найти новых друзей.
Нет комментариев