70 МЕҢ ТӘҺЛИЛ ӘЙТҮ – ОЛЫ ГЫЙБАДӘТ

70 МЕҢ ТӘҺЛИЛ ӘЙТҮ ТУРЫНДА ГОМУМИ МӘГЪЛҮМАТ “Тәһлил” сүзе “Ләә иләәһә иллә Аллаһ”, ягъни “Аллаһтан башка гыйбадәт кылырлык бернинди дә иләһ юк” дигәнне аңлата. Бу сүзләр белән кеше үзенең мөселманлыгын белдерә, һәм ислам галимнәре аңлатканча, шушы кәлимәдән дә олырак булган зикер юктыр. Гомумән, тәһлил әйтү зур гыйбадәтләрдән санала. Җәннәт ачкычы булып саналган әлеге олуг кәлимәне мөселманнарга мөмкин кадәр ешрак әйтергә киңәш ителә. Безнең халыкта элек-электән 70 мең (кайбер җирлекләрдә 71 мең) тәһлил әйтү күркәм гореф-гадәт булып саналган. Коръән һәм сөннәттә шушы гыйбадәтне, ягъни нәкъ менә шушы сандагы тәһлил әйтүне раслаучы күрсәтмәләр булмаса да, инде билгеләп үтелгәнчә, әлеге гамәл аерым төбәкләргә хас гореф-гадәт булып санала. Ә мәгълүм булганча, шәригатьтә асылы булган нәрсәне гыйбадәттә куллану тыелмый: әгәр кемдер Аллаһны искә алып, Аның барлыгы-берлегенә шаһитлык кылып зикер кыласы килә икән – бу аның шәхси эше, аның шәхси гыйбадәте. Бохари һәм Мөслимнең хәдисләр җыентыгында шундый хәдис китерелә: “Кем ихлас күңелдән Аллаһтан башка иләһ юклыгына һәм Мөхәммәд Аллаһның илчесе булуына шаһитлык китерсә, Аллаһы Тәгалә бу кешенең тәнен Җәһәннәм уты өчен хәрам кылыр”. Тәһлилне 70 мең әйтүнең фазыйләте турында шактый күп ислам галимнәре китапларында мәгълүмат китерелә, мәсәлән, Мөхеддин ибне Гарабинең “Фүтүхәт Мәккия” дигән китабында болай диелә: “Кәлимәне 70 мең тапкыр әйткән кеше үз җанын Җәһәннәмнән имин кылыр”. Шундый ук мәгълүмат имам Әл-Йәфигыйның “Әл-Иршад вәт-Татриз”, шәех ибне Хаҗның “Мәдхәл”, шулай ук Әл-Габдәри әш-Шәйби хезмәтләрендә дә бар. Шулай да, ни өчен нәкъ менә 70 мең тәһлил? Бу сан ике гает арасындагы көннәр саны белән бәйле. Билгеле булганча, Ураза гаете белән Корбан бәйрәме арасында – 70 көн. Безнең әби-бабаларыбыз элек-электән Ураза гаетеннән соң көн саен берәр мең тәһлил әйткәннәр һәм шуны 70 көн дәвам итеп, савап өстенә савап, нур өстенә нур булсын дип Корбан гаете көнне дә тагын бер мең тәһлил әйтеп, гомум санны 71 меңгә тутырганнар. Әлбәттә, тәһлилне башка вакытта да әйтергә мөмкин, әмма безнең якларда аны менә шулай – ике гает арасында әйтү күркәм гадәт булып санала. Шунысын да билгеләп үтәргә кирәк: татар халкында үзең өчен генә түгел, әҗер-савапны мәет рухына ирештерү теләк-нияте белән дә 70 мең тәһлил әйтү гадәте бар. Мәсәлән, динебездә Коръән укып яки Хаҗ кылып, савабын вафат булган кешенең рухына ирештерү мөмкинлеге турында беләбез. Тәһлил әйтү белән дә бәйле булган шундый мәгълүмат бар, әйтик, шәех ибне Хаҗ үзенең “Мәдхәл” исемле китабында (3/379) болай дигән: “Әгәр кемдер 70 мең тәһлил әйтеп, шуның савабын башка кешегә бүләк итәргә теләсә, моңа каршы килмәгез”. Шәех Мүхәддис Абдари Шәйби сүзләренә караганда, 70 мең тәһлилдән торган зикер ярдәмендә Аллаһы Тәгалә үлгән кешенең кабердәге хәлен җиңеләйтә. Әгәр, мәсәлән, кеше бакыйлыкка күчкән ата-анасының гөнаһларына кәффәрәт булсын, алар кабер газапларыннан котылсын, изгелекләре артсын дигән ният белән 70 мең тәһлил әйтсә, моның савабы әти-әнисенең рухларына шәт ин шәә Аллаһ ирешер. 70 МЕҢ ТӘҺЛИЛ ӘЙТҮ ТӘРТИБЕ * Иң элек ният әйтелә: Әгузү билләһи минәшшәйтанирраҗиим. Бисмилләәһир-ррахмәәнир-рахиим. Әлхәмдү лилләәһи Раббил гәәләмиин, әссаләәтү үәссәләәмү гәләә расүлинәә Мүхәммәдин үә гәләә әәлиһи үә әсъхәәбиһи әҗмәгыйн. Иләһи, ният кылдым бер Үзеңнең ризалыгың өчен, Кыямәт көнендә пәйгамбәребез Мөхәммәд Мостафа салләллаһү гәләйһи үә сәлләмнең шәфәгатенә ирешү өчен, барча пәйгамбәрләрнең, изгеләрнең, әүлияләрнең рухларын шанладырмак өчен, үземә (вафат булган әтием яки әнием, бабам, әбием рухына) әҗер-савап булсын өчен һәм җир йөзендә Синең яраткан колың булып яшәр өчен һәм мине Үзеңне зикер итүчеләрдән кылуыңны өмет итеп 70 мең тәһлил әйтергә ният кылдым. Йә Раббым Аллаһ! Шушы 70 мең тәһлилне Үзең риза булырлык итеп ниятләнгән көннәрнең һәрберсендә дә әйтеп чыгарга насыйп ит... Әәмиин. * Инде билгеләп үтелгәнчә, 70 мең тәһлил ике гает арасында 70 көн дәвамында һәм ахырда гает көнне 5 намазның һәркайсыннан соң 200-әр итеп әйтергә кирәк, ягъни һәр намазны укып тәсбих тартканнан соң, 99лы дисбене ике тапкыр әйләнеп, башта 100, аннары тагын 100 тапкыр “Ләә иләәһә иллә Аллаһ” дип әйтеп чыгасы. Шулай һәр намаздан соң ике йөз тапкыр әйтелсә, көнгә бер мең тәһлил әйтелгән була. Һәр намаздан соң әйтелгән 200 ТӘҺЛИЛНЕ кыскача болай БАГЫШЛАУ мөмкин: - Йә Раббым! Шушы әйтелгән тәһлилләрем Үзеңнең әҗер-савапларыңа ирештерсен, иманып ныгып, Үзеңә якынаюыңа һәм гөнаһларым ярлыкануына сәбәп булсын, шушы дөньядан мәңгелеккә күчкәндә телемдәге соңгы сүзем булсын, ахирәттә каршы алучы нур булсын, сират күперен кичкәндә җитәкче, тәмуг утыннан пәрдә, Җәннәткә керергә бер дәлил булсын, йә Раббым... Раббәнәгфирлии үәли-үәлидәййә үәлмүъминиинә йәүмә йәкүмүл-хисәәб. Бирахмәтикә йә әрхәмәр-раахимиин. 70 МЕҢ ТӘҺЛИЛНЕ ӘЙТЕП БЕТЕРГӘЧ, ДОГА КЫЛУ ҮРНӘГЕ 70 мең тәһлил әйтелеп беткәннән соң, ике рикәгать шөкер намазы уку хәерле. Шөкер намазы укылганнн соң шулай дога кылына: - Әгузү билләһи минәшшәйтанирраҗиим. Бисмилләәһир-рахмәәнир-рахиим. Әлхәмдү лилләәһи Раббил гәәләмиин, әссаләәтү үәссәләәмү гәләә расүлинәә Мүхәммәдин үә гәләә әәлиһи үә әсъхәәбиһи әҗмәгыйн. Йә Раббым! Шушы 70 мең тәһлилне башыннан алып ахырына кадәр әйтеп, 71 меңгә тутырырга насыйп иттең. Шушы олы, кадерле мөмкинлек өчен Сиңа, газиз Раббым, ихластан шөкер кылам. Шушы гыйбадәтемне кабуллардан кылып, әҗер-савапларыңны бирсәң иде, йә Раббым... Әйтүемдә булган гаеп-кимчелекләремне гафу ит... Шушы әйткән тәһлилләрем бәрәкәтендә белеп вә белми кылган гөнаһларымны ярлыка, изге гамәлләремне арттыр! Тәнемә саулык-сәламәтлек, җаныма тынычлык биреп, Сине онытмаучы, Сине олуглап яшәүче тәкъва колларыңнан булырга насыйп ит... Шушы әйткән тәһлилләрем фани дөньядан ахирәткә иман белән үтәргә бер сәбәп кыл... Тәһлилләрем ахирәттә каршы алучы нур булсын, Кыямәт көнендә пәйгамбәребез Мөхәммәд Мостафа салләллаһү гәләйһи үә сәлләмнең шәфәгатенә ирешергә ярдәм итсен, сират күперен кичкәндә җитәкче, тәмуг утыннан пәрдә, Җәннәткә керергә бер дәлил булсын, йә Раббым... Йә Раббым! Алдагы тормышымда да Сине зикер итү мөмкинлегеннән аерма. Син биргән нигъмәтләреңә шөкер итүчеләрдән, Сине зикер итеп, бер Үзеңә генә ихлас гыйбадәт кылучылардан булырга насыйп ит! Сине искә алырга онытучы гафилләрдән кылма, ярдәмеңнән ташлама, Үз рәхмәтеңдә булуымны насыйп әйлә. Раббәнәә әәтинәә фиддүнья хәсәнәтәү үә фил әәхыйрати хәсәнәтәү үә кыйнәә газәбәннәәр. Бирахмәтикә йә әрхәмәр-раахимиин... Ришат хәзрәт Курамшин әзерләде.

« ДУА И ХӘБИБ ».

« ДУА И ХӘБИБ ». Укыгыз, бу бик тә саваплы дуа! БисмиЛләәһир-Рахмәәнир-Рахииим! Риваять кылынадыр ки, әмирел мөэминин Гали Разый Аллаһы гәнһүдән: «Көннәрдән бер көнне Мөхәммәд Мостафа салләллаһү гәләйһи вәссәлләм мәсҗедтә утырмыш иде, янына Җәбраил гәләйһиссәлләм килде һәм аңа сәлам бирде: «Әссәләмүгаләйкүм үә рахмәтуллаһи үә бәракәтүһ! Йә, Мөхәммәд, Аллаһы Тәбәракә үә Тәгалә сиңа Үзенең сәламен җибәрде. Сәламнән соң минем аркылы, сине олуглап «Дуа-и-хәбиб»не җибәрде. Ошбу мөбарәк дуаны сиңа кадәр һичбер Пәйгамбәргә иңдермәде. Син Аллаһы Тәгаләнең сөекле хәбибе. Йә, Мөхәммәд, әйт өммәтеңә: «Һәркем ошбу «Дуа-и-хәбиб»не иртә вә ястү намазыннан соң ихлас күңелдән укыса, яки үзе белән йөртсә, ул бәндәнең гөнаһлары кичерелер, ахирәт көнендә ул бәндә Аллаһы Тәгаләнең газабына тартылмас. Җиде кат күк, җиде кат җирдәге фәрештәләр бу бәндәнең һәрдаим «Дуа-и-хәбиб»не укуына шаһит булырлар һәм ахирәттә ярдәм кылырлар. Әгәр инде бәндә, Коръән Кәримне укыганнан соң, «Дуа-и-хәбиб”не укып, әҗер савабын күптән вафат булган ата-анасына багышласа, бу бәндәнең ата-анасының гөнаһлары кичерелер. Һәрдаим ошбу дуаны укыган бәндәнең мәхшәр көнне йөзе айның ундүртенче кичәсе кебек якты булыр. Гарасат мәйданындагы бәндәләр хәйран калып: ”Бу кайсы Пәйгамбәр?» — дип сорарлар. Шул заман мәхшәр мәйданында Җәбраил (с.г.с.) пәйда булыр, ул әйтер: «Бу Пәйгамбәр дә түгел, әүлия дә түгел, бу сезнең кебек Ходай бәндәсе, тик ул дөньяда чакта намаздан соң һәрдаим «Дуа-и-хәбиб»не укымыш иде. Шуның бәрабәренә бу бәндә дөньяда да, ахирәттә дә зур мәртәбәләргә иреште», — дияр. Мөхтәрәм мөселман кардәшләрем, ошбу саваплардан мәхрүм калмагыз! Һәрдаим намаздан соң ошбу «Дуа-и-хәбиб»не укыгыз! Бу мөбарәк « ДУА-И-ХӘБИБ » ошбудыр:                       بِسْمِ اللَّهِ الرَّحْمَنِ الرَّحِيمِ    اَللَّهُمَّ بَارِكْ عَلَيْنَا وَ ادْفَعْ عَنَّا بَلَآنَكَ يَا رَوْوفُ لَبَّيْكَ * اِرْحَمْ لَبَّيْكَ * واشْفَعْ لَبَّيْكَ * وَ اَنَّّ اللَّهَ يَبْعَثُ مَنْ فِى القُبُورِ * وَ صَلَّى اللَّهُ عَلىَ مُحَمَّدٍ وَ اِلَهِ وَ اصْحَابِهِ اَجْمَعِينَ الطَّيِبِينَ الطَّاهِرِينَ * وَ عَلَى مَنْ تَبِعَهُمْ بِالْاِحْسَانِ اِلَى يَوْمِ الدِّينِ * اَللَّهُ اكْبَرُ اَللَّهُ اكْبَرُ اَللَّهُ اكْبَرُ لَآ اِلَهَ اِلَّا اللَّهُ * يَا اَللَّهُ يَا اَللَّهُ يَا اَللَّهُ * يَا رَحْمَنُ يَا رَحْمَنُ يَارَحْمَنُ * يَا رَحِيمُ يَا رَحِيمُ يَا رَحِيمُ * يَا اَحَدُ يَا اَحَدُ يَا اَحَدُ * يَا حَمِيدُ يَا حَمِيدُ يَا حَمِيدُ * يَا صَمَدُ يَا صَمَدُ يَا صَمَدُ * يَا فَرْدُ يَا فَرْدُ يَا فَرْدُ * لَا حََوْلَ وَ لَا قُوَّةَ اِلَّا بِاللَّهِ الْعَلِىّ الْعَظِيمِ * يَا دَآيمُ يَا فَرْدُ يَا ذَا الْجَلَالِ وَ الْاِ كْرَامِ * وَ صَلَّى اَللَّهُ عَلَى سَيِّدِنَا مُحَمَّدٍ وَ عَلَى اَلِهِ وَ اَصْحَابِهِ اَجْمَعِينَ * بِرَحْمَتِكَ يَآ اَرْحَمَ الرَّحِمِينَ БисмиЛләәһир-Рахмәәнир-Рахииим! Аллаһүммә бәәрик галәйнәә үәдьфәг гәнәә бәләә икә йәә раүфү ләббәйкә ирхәм ләббәйкә үәшфәг ләббәйкә үә әнналлаһә йәбегәсү мән фил-кубүүри үә салләллаөү галәә Мөхәммәдин Үә галә әәлиһи үә әсхәбиһи әҗмәгин әттайибинәәт-таһирин. Үә галәә мәң тәбьгәһем биәхсәни иләә йәүмиддиин. Аллаһү әкбәр. Ләә иләәһә илләллааһү, йәә Аллаһү, йәә Аллаһү, йәә Аллаһү, йәә Рахмәнү, йәә Рахмәәнү, йәә Рахмәәнү, йәә Рахимү, йәә Рахимү, йәә Рахимү, йәә Әхәду, йәә Әхәду, йәә Әхәду, йәә Хәмиидү, йәә Хәмиидү, йәә Хәмиидү, йәә Самәәдү, йәә Самәәдү, йәә Самәәдү, йәә Фәрд, йәә Фәрд, йәә Фәрд. Ләә хәүлә үә ләә күвәтә илләә биллиәәһил галийил газыйм. Йәә Дааимү йәә Фәрд, йәә зәл Җәләәли үәл Икрам, үә салләллааһү галәә сәйидинә Мөхәммәдин үә гәлә әәлиһи үә әсхәбихи әҗмәин. Бирәхмәтикә йәә әрхәмәр-раахимиин. Әмин. Мәгънәләре: Бисмилләәһир-рахмәәнир-рахим! Эй, Рәхим-Рәхим эясе Аллаһ, безне бөтен бәлаләрдән читтәрәк тотып, курчалап, бәрәкәтләрене дә бәя кенә тор. Синеке мәрхәмәтеңә, шәфкатеңә өмет баглап, каршыңда торам. Дөреслектә, Синеке каберләрдә ятканнарны да яңадан кубарган Кыямәт көнендә дә безне, пәйгамбәребез Мөхәммәд Мостафаны, салләл-лаһу галәйһи вә сәллам, аның гаилә әгъзаларын, сәхабәи-кирамнан, изгелектә аларга эйәреп, пакланган бәндәләреңнең хәер-фатиха сәләмнәрдән ташлама. Аллааһу Әкбәр, Аллааһу Әкбәр, Аллааһу Әкбәр. Ләә Иләәһә иллә-лааһ, йәә Аллааһү, йәә Аллааһү, йәә Аллааһү, йәә Рахмәән, йәә Рахмәән, йәә Рахмәән, йәә Рахимү, йәә Рахимү, йәә Рахимү, йәә Әхәдү, йәә Әхәдү, йәә Әхәдү, йәә Хәмидү, йәә Хәмидү, йәә Хәмидү, йәә Самәду, йәә Самәду, йәә Самәду, йәә Фәрд, йәә Фәрд, йәә Фәрд. Ләә хәүлә үә ләә куәтә иллә билләһил-галийил газим. (Аннары бер нинди егәрлек тә, куәт тә юк, иң зур, иң бөек Зат тәгалә үзе генә.) Әл-Фәрд — Ул бер кемгә ошамаган Бөек Зат, Аның тиңдәше юк. Йәә зәл җәләли вәл Икрам — иң Бәхетле, олуглык һәм хөрмәт эясе тәгалә Үзе генә, дип даими рәвештә кабатлап кына тор, Пәйгамбәрләр солтаны булган Мөхәммәдне, салләл-лаһу галәйһи вәсәлләм, аның әһле-бәтен һәм сәхәбәләренең һәммәсен рәхмәтеңнән, рәхим-шәфкатеңнән ташлама. Әмин.

ШӨКЕРАНА ДОГАСЫ.

Шөкрәнә догасын уку Аллаһының биргән нигъмәтләрен арттыра
Аллаһ Тәгалә әйтә: «Кем минем биргән нигъмәтләремә шөкер кыла, аңа нигъмәтләремне тагын да арттырып бирермен, ә кем көферлек кыла аңа язам хәтәр булыр» — ди.
Шуңа да Раббысының биргән нигъмәтләре бетмәвен, тормыш бәрәкәтле булуын тансык кеше түбәндәге «Шөкрана догасын» укый ала.
بِسْم الله الرحمن الرحيم
الحمد لله رب العالمين علي نعمة الإيمان
الحمد لله رب العالمين علي نعمة الاسلام
الحمد لله رب العالمين علي نعمة القرآن
الحمد لله الذي جعلنا من أمة سيد المرسلين
و نشكره علي ما هدانا سبيل أهل الإيمان و اليقين
Бисмиллаһир--рахмәнир--рахим.
«Әлхәмдү лилләәһи Раббил гәәләмиинә гәләә нигмәтил иймәән.
Әлхәмдү лилләәһи Раббил гәәләмиинә гәләә нигмәтил исләәм.
Әлхәмдү лилләәһи Раббил гәәләмиинә гәләә нигмәтил Куръәән.
Әлхәмдү лилләәһилләзии җәгәләнәә мин үммәти сәййидил мүрсәлиин.
Үә нәшкүруһү гәләә мәә һәдәәнәә сәбиилә әһлил иймәәни үәл йәкыййн»
Мәгънәсе:
Бисмиллаһир —рахманир--рахим.
Иман нигмәтенә Аллаһка шөкер!
Ислам нигмәтенә Аллаһка шөкер!
Коръән нигмәтенә Аллаһка шөкер!
Безләрне рәсүлләр әфәндесе Мөхәммәт (галәйһис сәлам) өммәтеннән булдырганына Аллаһка шөкер!
Һәм дә безләрне иман вә нык инану әһеле юлыннан тугры итеп алып барганына без Аңа шөкер итәбез!
Иртән һәм кичен бер мәртәбә укыган кешенең иманы яңартылып торыр, гөнаһларына тәүбә булыр.
Дөньядан ахирәткә иман белән күчәр, торачак урыны оҗмах булыр...