19.06.2024 - 100 год!
Музей-дача Васіля Быкава, старонка у ФБ:
Васіль Быкаў лічыў сябе “немузычным” чалавекам. Але, вельмі любіў Іаганеса Брамса… Ну што ж, наперад разам з Брамсам…
Мерапрыемствы
Да 100-годдзя народнага пісьменніка Беларусі Васіля Быкава ў філіяле “Музей-дача Васіля Быкава” Дзяржаўнага музея гісторыі беларускай літаратуры
19 чэрвеня 2024 г. спаўняецца 100 год з дня нараджэння народнага пісьменніка Беларусі Васіля Уладзіміравіча Быкава. Святкаванне юбілейнай даты праходзіць пад агульнай назвай “Чатыры дні. Пямяці Быкава”
1. Дзень першы, 19 чэрвеня 2024 г. “Знаёмы незнаёмы Васіль Быкаў”
- Дзень адчыненых дзвярэй. Экскурсіі па музеі-дачы, знаёмства з пастаяннай экспазіцыей, дададзенай малюнкамі Васіля Быкава і дадатковымі экспанатамі з фондаў ДМГБЛ
- Літаратурныя размовы з наведвальнікамі на надзеле дачы. Інтэрактыўнае мерапрыемства-віктарына па загадкавых пытаннях творчасці Васіля Быкава.
Адказны і вядучы – старшы навуковы супрацоўнік Князева І.Р.
Час мерапрыемства: з 12-00 да 18-00, у бесперапынным рэжыме.
Уваход бясплатны.
2. Дзень другі, 20 чэрвеня 2024 г. “Ведаць тое, аб чым пішаш”
- Прыём наведвальнікаў, экскурсія-лекцыя ў філіяле “Музей-дача Васіля Быкава”, прысвечаная пачатку творчага шляху і першым спробам пяра Васіля Быкава на прыкладзе апавяданняў і аповесцей 1950-1960-х гг.
Адказны і вядучы – старшы навуковы супрацоўнік Князева І.Р.
Час мерапрыемства: з 12-00 да 18-00.
Уваход платны.
3. Дзень трэці, 21 чэрвеня 2024 г. “Шумныя бярозы”
- Літаратурна-мастацкі пленэр з удзелам наведвальнікаў музея: бліц-лекцыя па тэорыі літаратуры, чытанне мастацкага эсэ І.Князевай “Аўтамабіль, час і Васіль Быкаў”, літаратурыя гульні, напісанне ўдзельнікамі пленэра невялікіх ўласных мастацкіх твораў, чытанне і абмеркаванне твораў, пошук мастацкага вобразу і спроба стварыць схематычную ілюстрацыю выяўленага вобразу.
Пленэр праводзяць пісьменніца, паэт, публіцыст, член Саюза пісьменнікаў Беларусі, рэдактар аддзела прозы часопіса “Нёман” Т.М. Дашкевіч і старшы навуковы супрацоўнік ДМГБЛ
І.Р. Князева. Час мерапрыемства: з 14-00 да 17-30. Адказны за мерапрыемства - старшы навуковы супрацоўнік ДМГБЛ І.Р. Князева.
Уваход платны.
4. Дзень чацьвёрты, 22 чэрвеня 2024 г. “Васільковы пленэр”
- Правядзенне мерапрыемства “Васільковы пленэр” – роспіс шопераў на пленэры ў тэхніцы маляваных дываноў па тэматыцы “Выяўленне вобразаў Васіля Быкава ў наіўным (інсітным) мастацтве”.
Адказны і вядучы – старшы навуковы супрацоўнік ДМГБЛ І.Р. Князева, час мерапрыемства з 14-00 да 17-30.
Кошт маййстар-класаў – 30,00 руб.
Даведкі па тэлфоне +375 29 811 21 85
Присоединяйтесь к ОК, чтобы посмотреть больше фото, видео и найти новых друзей.
Нет комментариев