Բայց դու դեպի Աստծուն կանչիր և Տերը կփրկի քեզ։
...Քո հոգսն Աստծո վրա գցիր, և նա խնամք կանի քեզ համար. նա թույլ չի տա, որ արդարը հավիտյան շարժվի տեղից(Ս55։22)։
Այս արագընթաց շարժվող կյանքի, գիտության և տեխնոլոգիայի աճի պատճառով, թվում է, թե մարդն այլևս ոչ մի բանի ետևից չի հասցնի։ Անցյալի ձախողումները, ապագայի անորոշությունը, ներկայի կասկածներն ու հիասթափությունները կարծես ամեն առավոտ սկուտեղի վրա մատուցեն մարդուն։
Մտահոգվելը կարծես դարձած լինի մարդկության ապրելաոճը։ Բանն այն է, որ մարդն այնքան է կենտրոնանում մի բնագավառի խնդիրների վրա, որ այլևս չի էլ նկատում կյանքի մնացած ոլորտների հաջողությունները։ Շատ հաճախ նույնիսկ մոռանում ենք գոհանալ Աստծուց, երբ Նա մեր կյանքի որոշ ոլորտներն օրհնելով օրհնում է՝ տալով հաջողություններ և հաղթանակներ։
Մտահոգությունը թույն է, այն թունավորում է մեր հոգին և սիրտը, իսկ երկրպագությունն ու փառաբանությունը համարվում են հաղթանակի գրավականները։ Երբ երկրպագում ենք Աստծուն հիշում ենք Նրա բարությունը, Նրա անպայմանական սերը, Նրա հավատարմությունը, Նրա անփոփոխելիությունը, Նրա անընբռնելի ձևով մեզ փրկելու և վերստին ծնելու կարողությունը։ Նա հզոր, ամենակարող Աստված է, եկեք դեն նետենք ամեն մտահոգություն, տրտմություն և վայելենք Տիրոջ հետ Նրա ստեղծած այս զարմանահրաշ օրը, փառաբանենք Արքաների Արքային և կտեսնենք, որ կյանքը կմտնի իր յուրահատուկ ներդաշնակության մեջ, կվերադառնան խաղաղությունն ու ուրախությունը։ Սակայն գալիս է ժամը և հիմա էլ է, երբ ճշմարիտ երկրպագողները հոգով և ճշմարտությամբ կերկրպագեն Հորը, որովհետև Հայրն էլ այսպես է ուզում իր երկրպագողներին(Հովհ4։23)։
Սրա համար ասում եմ ձեզ. հոգս մի՛ արեք ձեր կյանքի համար, թէ ի՞նչ պիտի ուտեք, և ի՞նչ պիտի խմեք. և ո՛չ ձեր մարմնի համար՝ թէ ի՞նչ պիտի հագնեք։ Չէ՞ որ կյանքն ավելի է կերակուրիցը, և մարմինը՝ հագուստից։ Մտիկ արեք երկնքի թռչուններին, որ չեն սերմում, և ոչ էլ հնձում, և ոչ ամբարների մեջ ժողովում, և ձեր երկնավոր Հայրը կերակրում է նրանց. Չէ՞ որ դուք նրանցից ավելի լավ եք(Մատթ6։25)։
Այս խոսքերը վստահեցնում են մեզ, որ մենք ավելի թանկ ենք Աստծո աչքերում և ամենևին կարիք չկա մտահոգվել կյանքի համար։
Ամեն, օրհնությունը և փառքը և՛ իմաստությունը և՛ գոհությունը և՛ պատիվը և՛ կարողությունը և՛ զորությունը լինի մեր Տեր Աստծուն հավիտյանս հավիտենից, ամեն(Հայտ7։12)։
«Ծա՛փ զարկեք👏👏👏👏, բոլոր ժողովուրդներ, հաղթանակի ձայնով⛳⛳⛳🥁🥁🥁🥁 աղաղակեցե՛ք Աստծուն» (Սաղմոս 47:1):Դ.Պրինսն ասում է; Երբ ծափահարում ենք👏👏👏, երկրպագում ենք Աստծուն: Երկրպագությունը խստասիրտ և քարացած մի դիրք չէ, այն ներառում է ողջ մարմնի մասնակցությունը։
Լինենք օրհնված Հիսուսի զորեղ անունով, բարի լույս💞
www.godinaction.org🌳
Присоединяйтесь к ОК, чтобы посмотреть больше фото, видео и найти новых друзей.
Комментарии 5