և Դավիթ թագավորը գնաց՝ Տիրոջ առաջը նստեց և ասեց; ես ո՞վ եմ, ով Տեր Աստված և ո՞վ է իմ տունը, որ ինձ բերիր մինչև այստեղ(ԱՄնաց17։16)։
Դավիթը լավ գիտեր, թե որտեղից էին գալիս իր արմատները։ Հենց այս նույն գլխում Տերն ասում է; Ես քեզ առա փարախից ոչխարների մոտից, որ իմ Իսրայել ժողովդի վրա առաջնորդ լինես(17։7)։
Դավիթ Թագավորի կերպարը շատ զարմանալի է; նա շատ անկեղծ էր Տիրոջ նկատմամբ, մեղքը գործում էր, հաջորդ պահին անկեղծ խոստովանում և ապաշխարում Տիրոջը։ Դավիթը շատ մեծ հանցանք էր գործել, շնանալ և սպանություն(ԲԹագ11)։ Աստված Նաթան մարգարեի միջոցով ասում է Դավթին, որ նրա արածները չար են երևացել և Դավիթն ասում է; ՄԵՂԱՆՉԵԼ ԵՄ ՏԻՐՈՋ ԴԵՄ։ Հենց հաջորդ տողում մարգարեն ասում է; Տերն էլ ներեց քո մեղքը (բԹագ12։13)։ Վերջ, օրեր, շաբաթներ, ամիսներ չտևեց, այլ 1 րոպե։ Տերը տեսավ նրա սրտի անկեղծությունը, նրա զղջալը, բացի դրանից նա լուրջ էր ընդունում մարգարեի ասածները և ներեց նրան նույն րոպեին։ Իսկ որոշները մի փոքր սխալվում են և սկսվում է ամիսներ ձգվող սուգը, տրտմությունը, մեղքի զգացողությունը։Սիրելիներ, եթե մեր սրտերը չմեղադրեն մեզ, համարձակություն ունենք առ Աստված(ԱՀվհ3։21)։ Դա հաճելի չէ Տիրոջը, մեղք ես գործո՞ւմ, հաջորդ րոպեին, ասա; Տեր, կներես, և համարձակությամբ կանգնիր Տիրոջ խաչի առջև, Հիսուսը գիտեր, որ դու դրա միջով պե՛տք է անցնեիր, դրա համար է իր թանկագին արյունը թափել քեզ համար։ Եկեք ակնածանքով վարվենք Տիրոջ սուրբ արյան նկատմամբ։ Իհարկե լավ կլինի, որ մեղք չգործենք, բայց եթե դեռ դա չի ստացվում, ապա լավ կլինի անկեղծանանք Տիրոջը, ասենք որ մեզ մոտ չի ստացվում, և բերենք այդ հոգսը Տիրոջ շնորհքի և ողորմության տակ և Տերն ուղիներ կբացի այդ մեղքից ձերբազատվելու համար։ Կախված մեղքի ծանրությունից(Հին ուխտում)՝ ՊԵՏՔ Է ԳԻՆ ՎՃԱՐՎԵՐ։ Դավիթը կորցրեց իր նորածին զավակին։ Ամեն մարդասպան գին է վճարում՝ դատվելով և ազատազրկվելով։
Դավիթը լավ գիտեր, որ Տիրոջ հոգին թափանցում է մեր մտորումների խորքերը, Տերը լավ գիտի բոլոր մեր ներքին նապապաշարումները, մեր կասկածանքները, մեր դրդապատճառները ու շարժառիթները, բայց Տերը շատ բարի է և ողորմած՝ դրա համար նա ասում է; և ԴՈՒ ՃԱՆԱՉՈՒՄ ԵՍ ՔՈ ԾԱՌԱՅԻՆ և ԻՆՁ ՄՏԻԿ ՏՎԻՐ ԲԱՐՁՐԱՍՏԻՃԱՆ ՄԱՐԴՈՒ ՊԵՍ, ՈՎ ՏԵՐ ԱՍՏՎԱԾ։ Չկա քեզ նման մեկը և քեզանից ջոկ Աստված չկա՝ մեր ականջներով բոլոր մեր լսածի պես(17։20), սուրբի հետ սուրբ ես, կատարյալ մարդու հետ կատարյալ, մաքուրի հետ մաքուր, ծուռի հետ ծռվում ես և վշտացած ժողովրդին փրկում ես և Տերը լուսավորում է իմ խավարը(ԲԹագ22։26)։
Լինենք օրհնված Հիսուսի զորեղ անունով, բարի լույս💞
www.godinaction.org🌳
Присоединяйтесь к ОК, чтобы посмотреть больше фото, видео и найти новых друзей.
Комментарии 1