Предыдущая публикация
Син онытма мине беркайчанда,
Мине генә тоеп гел яшә.
Мине генә тоеп яшәсәӊ син,
Җаным һәрчак булыр янәшә.
Көзен – моңсу ишек алдында мин,
Кызыл миләш булып янармын,
Ә кышларын кар бөртеге булып
Битләреӊә синең явармын.
Язлар килгәч, тәрәз төбеңдә мин,
Алсу чәчәк булып атармын.
Я бер моңлы сандугачкай булып,
Алмагачка басып сайрармын.
Я күбәләк булып җәйләрдә мин
Иңнәреңә кунып китәрмен.
Йомшак кына искән җилләр булып
Чәчләреңнән сыйпап үбәрмен.
Син онытма мине беркайчанда.
И.Сайранова
Присоединяйтесь к ОК, чтобы посмотреть больше фото, видео и найти новых друзей.
Нет комментариев