Предыдущая публикация
Священномученик Пётр Лебедев был духовным отцом преподобной Анимаисы
Молитва священномученику Петру Лебедеву, Родниковскому
О великий угодниче Христов, священномучениче Петре! К тебе, молитвеннику теплому и, предстателю пред Богом непостыдному, усердно притекаем, в нуждах, и скорбех наших утешения и помощи просяще. Ты бо в лютую годину искушений верен Христу даже до смерти явился еси. И, яко злато в горниле страданий очищенный, в сокровищницу Царствия Божия Ангелы Небесными с честию вознесен еси. Мы, же на славу твою взирающи, и светло память твою празднующи, молим тя, истинный друже Христов, испроси у Господа Церкви Православной утверждение, архиереем в благодати Божией пребывание, иереем благочестия и веры хранение, пастве доброе послушание, всем же нам любовь друг ко другу помози сохранити, немощных духом кротости врачевати и вся заповеди Христовы неуклонно исполняти. Даруй нам вся потребная ко спасению, землю Родниковскую от всякия беды избави, и вся верныя благодати Духа Святаго исполни, Им же утешеннии и просвещшннии восхвалим Пресвятую Троицу, спасение нам содевающую, Триипостасную Державу Отца, и Сына, и Святаго Духа, во веки веков живущу. Аминь.
Тропарь гл. 4
Православныя веры поборниче, и Церкви Христовой исповедниче, иереев Божиих похвало и мучеников непреходящая славо, ты паству свою верно упасл еси, даже до смерти Христа исповедал еси, темже молим тя, священномучениче Петре, земли Родниковския украшение, поминай ны чада твоя духовныя, у престола Господня, испроси нам мир и велию милость.
Кондак гл. 6
Божиих заповедей неленностный исполнителю, и отеческих преданий хранителю, ты, отче наш Петре, был еси, и яко злато в горниле искушений много пострадавый, можеши искушаемым помощи, сего ради молим тя, даруй нам вся полезная ко спасению и вечныя блага Господа улучити сподоби, да радостно прославляем тя, теплого молитвенника и скорого заступника земли Родниковския.
Следующая публикация
Нет комментариев