Память святых угодников Божиих:
Владимирских святых, в Соборе прославленных, в их числе: князя Всеволода Георгиевича Владимирского; праведного Григория Шуйского, Владимирского; князя Димитрия Всеволодовича Владимирского; праведной Евфросинии Шуйской, Владимирской; святителя Илариона, митрополита Суздальского (1631–1707); блаженного Киприана Суздальского, Увотского, Христа ради юродивого, чудотворца, и иных;
мученицы Агриппины Римляныни (III в.); священномучеников Александра (Миропольского), Петра (Смородинцева) пресвитеров (XIX–XX вв.); праведного отрока Артемия Веркольского (ок.1532–1545); святителя Германа, архиепископа Казанского (ок. 1505–1567); мучеников Евстохия, Гаия, Провия, Лоллия, Урвана и всего семейства и родни Евстохия, Садонских, Анкирских (III–IV вв.); священномученика Митрофана (Краснопольского), архиепископа Астраханского (XIX–XX вв.).
Поздравляем именинников!
Тропарь, глас 4 (Владимирским святым, в Соборе прославленным):
Днесь светло красуется Пресвятыя Богородицы избранный град и с ним вси концы земли Владимирския торжествуют, память совершающе богопрославленнаго великаго лика святых, в подвизех Православныя веры издревле во уделе сем Богу угодивших, и к ним с любовию вопиют: о предивнии Христу Богу молитвенницы, венцы пресветлыми от Него увенчанныя, мир и благоденствие отечеству вашему испросите и душам нашим велию милость.
Кондак, глас 4 (Владимирским святым, в Соборе прославленным):
Яко звезды пресветлыя Церкве Российския, исповеданием Православныя веры в той возсиявшии, вси святии земли Владимирския, богомудрии святителие и благовернии князи, преподобнии отцы и матери, страстотерпцы и праведнии, Христу Богу усердно молитеся, грехов оставление даровати любовию чтущим святую память вашу.
Тропарь, глас 5 (святителю Илариону, митрополиту Суздальскому):
Воспойте убо, вси людие, в Триех Ипостасех Единаго Бога, на Небесех непостижно пребывающаго, мановением же всяческая управляющаго, на землю же щедротно призирающаго, в пустынном же пребывающаго противу невидимых врагов, угодника Своего преподобнаго Илариона укрепльшаго, того молитвами, Боже, помилуй и спаси нас.
Тропарь, глас 1 (блаженному Киприану Суздальскому, Увотскому, Христа ради юродивому, чудотворцу):
Глас апостола Твоего Павла услышав глаголющ: мы юроди Христа ради, раб Твой, Христе Боже, Киприане юрод бысть на земли Тебе ради. Темже память его почитающе, Тебе молим, Господи: спаси души наша.
Кондак, глас 8 (блаженному Киприану Суздальскому, Увотскому, Христа ради юродивому, чудотворцу):
Вышния красоты желая, нижния сласти телесныя тощно оставил еси, нестяжанием суетнаго мира, ангельское житие проходя, скончався, Киприане блаженне: с нимиже Христа Бога моли непрестанно о всех нас.
Величание
Ублажаем тя, святый праведный Киприане, и чтим святую память твою: ты бо молиши о нас Христа Бога нашего.
Тропарь, глас 1 (благоверному князю Феодору Стародубскому):
Божественным желанием от юнаго возраста весь сам себе Господеви возложив, в молитвах и постех образ быв добродетели, богатство же и славу, и доброродство телесное, яко не сущее, презрев. Христа единаго от души возлюбил еси и Того Истиннаго Бога пред нечестивым царем исповедал еси, и доблестию терпения своего сего ужасил и всех преудивил еси. Телом бо, яко розга, обрезаем на кийждо состав, удеси резания, благодарны молитвы изрек еси Господеви. Тем во страдании своем венец прием, к Престолу восшел еси славы и со Ангелы предстоиши, всехвальне Феодоре, моли Христа Бога спастися душам нашим.
Кондак, глас 3 (благоверному князю Феодору Стародубскому):
Днесь светло сияющая Церковь благочестно празднует праздник пресветлой и светоносной твоей памяти, великий град и страну созывающи, радуется бо, яко имущи в себе сокровище велие, честныя и многоцелебныя мощи твоя, всехвальне Феодоре, мучениче великоименитый и чудес подателю пребогатый, моли Христа Бога спастися душам нашим.
Тропарь, глас 4 (мученице Агриппине Римляныне):
Агница Твоя, Иисусе, Агриппина зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную, приими мя с любовию пожершуюся Тебе. Тоя молитвами, яко Милостив, спаси души наша.
Кондак, глас 4 (мученице Агриппине Римляныне):
Светлых подвиг твоих светоносный наста день, воньже почитающи сих, Божественная Церковь вся созывает весело вопити тебе: радуйся, дево и мученице, Агриппино всечестная.
Тропарь, глас 2 (праведному отроку Артемию Веркольскому):
Вышняго повелением, тученосным облаком небо помрачившим, и молниям блистающим, грому же возшумевшу с прещением, испустил еси душу твою в руце Господеви, премудре Артемие, и ныне предстоиши Престолу Владыки всех, о иже верою и любовию приходящим к тебе, подая исцеления всем неотложно и моляся Христу Богу спастися душам нашим.
Кондак, глас 8 (праведному отроку Артемию Веркольскому):
Возсия днесь пресветлая память премудраго Артемия; Богоданная благодать, яко реки, изливает от святоцелебныя раки мощей его дивная исцеления, имиже от многоразличных недуг избавляемся, с верою приемлюще я, и взывающе: радуйся, Артемие богомудре.
О праведном отроке Артемии Веркольском, тексты молитв в книгах: Святые целители: молитвослов; Жития всех святых; Молитвослов «Врачевство для жизни. Целительная сила трав». – М., с. 279.
Тропарь, глас 4 (святителю Герману, архиепископу Казанскому):
От юности иго Христово усердно восприим, бденными подвиги поста и молитвы прославился еси. Отонудуже призывающу тя Богу на служение Церкви в новопросвещеннем царстве Казанстем, вкупе со святителем Гурием воззван был еси, идеже, яко первоначальник созданныя тобою в граде Свияжске обители, и достойный первосвятителю преемник явился еси. Духом предстоя Престолу Владычню, молися, святителю Германе, со святителем Гурием православней пастве во благочестии преспевати и тьме иноверия светом веры разгнатися.
Кондак, глас 4 (святителю Герману, архиепископу Казанскому):
Бодрствуя в молитвах, послушания добрый рачитель быв, в терпении стяжал еси душу твою, делы смиренномудрия и кротости изрядствуя, престол святительства благоверием и благочестием украсил еси, отче священноначальниче Германе: моли Христа Бога о обители и о всем стаде твоем, яко паствы твоея утверждение и сущим по тебе святителем светлое украшение.
Церковь прославляет святителя Германа Казанского как просветителя, молитвенника о новопросвещенных, вразумителя неверных, защитника от нахождения иноплеменных, умирителя междоусобной брани, наказателя клеветников, прогонителя лукавых духов, исцелителя немых, наставника монахов (ср.: Жития русских святых. – М., 2011, т. 2, с. 248).
Православная литература https://www.pravmolitva.ru/catalog/pravoslavnaya-literatura.html
https://www.pravmolitva.ru Православная книга почтой по доступным ценам – Священное Писание, богослужебные книги, псалтирь, молитвословы, молитвы о разных нуждах, акафисты, каноны, карманные издания, книги о Пресвятой Богородице, толкования Священного Писания, творения святых отцов, жития святых, книги о царской семье, детские православные книги, учебная православная литература, православная проза, проповеди, наставления и многое другое.
...https://www.pravmolitva.ru/articles/skidki.html ПРАВОСЛАВНАЯ КНИГА ПОЧТОЙ предоставляет скидки для православных храмов и других некоммерческих организаций, а также граждан.
...https://www.pravmolitva.ru/goods/o-tainstve-krescheniya-gotovyaschimsya-stat-chadami-cerkvi-hristovoy-v-nastavlenie-1124.html М.
...https://www.pravmolitva.ru/goods/svyatoe-evangelie-gospoda-nashego-iisusa-hrista-1002.html ▪ Иисус же, подозвав их, сказал: вы знаете, что князья народов господствуют над ними, и вельможи властвуют ими;
...Присоединяйтесь к ОК, чтобы подписаться на группу и комментировать публикации.
Нет комментариев