Предыдущая публикация
12 красавіка ў Гомлі пачаўся працэс над сябрамі ініцыятыўнай групы экс-кандыдаткі ў прэзідэнты Беларусі Святланай Ціханоўскай: Юрыем Уласавым, Дзмітрыем Івашковым, Аляксандрам Шабаліным і Таццянай Канеўскай.
Іх вінавацяць ва ўдзеле ў масавых беспарадках і планах захопу адміністратыўных будынкаў.
На працэс прыйшлі каля 40 чалавек (сваякі, група падтрымкі і журналісты), але ў залю здолелі патрапіць лічаныя людзі. Была ўведзена антыкавідная рассадка. У фае на першым паверсе паставілі металадэтэктарную рамку, забаранілі фота- і відэаздымкі нават на калідоры. Наведнікаў паседжання прымусілі здаць тэлефоны ў камеру захоўвання. Каля суду ходзіць патруль амапаўцаў і стаіць супрацоўнік ДАІ.
Аляксей Канеўскі, сын абвінавачваемай Таццяны Канеўскай, паведаміў, што ў залі паседжанняў пусцілі толькі чатырох сваякоў (аднаго ад кожнай сям’і) палітзняволеных. Апроч іх у залі шэсць пацярпелых (імаверна сілавікоў), некалькі супрацоўнікаў дзяржаўных медыяў, тры чалавекі, якіх ніхто не ведае і якія прайшлі праз уваход для суддзі. Месцаў вольных хапала. Пацярпелыя заявілі хадайніцтва, каб іх дапытвалі без наведнікаў у закрытым рэжыме. Зараз ідзе іх допыт. Перапынку на абед не робяць. Тэлефоны прымусілі здаць у камеру захоўвання толькі сваякоў. Усе астатнія прысутныя сядзелі з тэлефонамі.
На пачатку працэсу Юрый Уласаў заявіў адвод суддзі Хлышчанкову. Суддзя яго адхіліў. Сваякі абвінавачваемых кажуць, што і суддзя, і пракурор кажуць вельмі ціха, так што немагчыма нічога расчуць. Нават пасля іх просьбы казаць гучней, сітуацыя не палепшылася.
Следующая публикация
Нет комментариев