Память святых угодников Божиих:
преподобного Александра монаха, обители «Неусыпающих» первоначальника, Константинопольского (IV–V вв.); преподобных Анатолия, в Ближних пещерах почивающего (ХII в.), и Анатолия затворника, в Дальних пещерах почивающего (ХIII в.), Печерских; святителя Анатолия, патриарха Константинопольского (V в.); священномученика Антония (Быстрова), архиепископа Архангельского, Холмогорского (XX в.); святителя Василия, епископа Рязанского; благоверных князей Василия и Константина Всеволодовичей Ярославских (ХIII в.); мучеников Диомида, Евлампия, Асклипиодота и мученицы Голиндухи (I–II вв.); мученика Иакинфа Римского (I–II вв.); блаженного Иоанна, Христа ради юродивого, Московского (XVI в.); преподобных Иоанна и Лонгина Яренгских (XVI в.); мучеников Мокия (Мокиана) и Марка (IV в.); преподобного Никодима Кожеезерского (Хозьюгского) (XVII в.); священномученика Сильвестра (Ольшевского), архиепископа Омского, исповедника (1860–1920); святителя Филиппа II, митрополита Московского и всея России, чудотворца (XVI в.).
Поздравляем именинников!
Тропарь, глас 3 (преподобному Анатолию, затворнику Печерскому, в Дальних пещерах почивающему):
Преблаженный и богоносный отче наш Анатолие затворниче, яко стяжавший дерзновение ко Господу равноангельным своим житием, егоже ради обогати Христос нетлением и чудесы сокрытыя мощи твоя, молим тебе прилежно: испроси душам нашим очищение и велию и богатую милость.
Кондак, глас 4 (преподобному Анатолию, затворнику Печерскому, в Дальних пещерах почивающему):
Богатство благодати и сыноположения стяжавше многими подвиги и добродетельми, ихже ради Христос всели души твою в Небесная селения Своя, даровав благодать нетления и чудес сокрытым мощем твоим, к нимже притекающе, вопием: радуйся, Анатолие затворниче, ликов иночествующих похвало и украшение.
Тропарь, глас 3 (преподобным Анатолию, в Ближних пещерах почивающему, и Анатолию затворнику, в Дальних пещерах почивающему, Печерским):
Преблаженнии и богоноснии отцы наши, Анатолие и Анатолие затворниче, яко стяжавшие дерзновение ко Господу равноангельным своим житием, егоже ради обогати Христос нетлением и чудесы мощи ваша, молим вас прилежно: испросите душам нашим очищение и велию и богатую милость.
Кондак, глас 4 (преподобным Анатолию, в Ближних пещерах почивающему, и Анатолию затворнику, в Дальних пещерах почивающему, Печерским):
Богатство благодати и сыноположения стяжавше многими подвиги и добродетельми, ихже ради Христос всели души ваша в Небесная селения Своя, даровав благодать нетления и чудес мощем вашим, к нимже притекающе вопием: радуйтеся, Анатолие и Анатолие затворниче, ликов иночествующих похвало и украшение.
О преподобных отцах Киево-Печерских, тропари и кондаки святым читайте в книге: Святые Киево-Печерские.
Тропарь, глас 4 (святителю Василию, епископу Рязанскому):
Первее в Муроме святительством почтен был еси, из негоже неправедно изгоняем, на мантию, яко на легкий корабль, возшел еси, на нейже паче естества, яко бесплотен, по водам шествие творя, промышлением Вышняго и заступлением Богоматере управляем, богоспасаемаго града Рязани достигл еси и в нем архиерейства престол восприим, богоданную паству Рязанскую добре упасл еси. Святителю отче наш Василие, моли Христа Бога спастися душам нашим.
Кондак, глас 8 (святителю Василию, епископу Рязанскому):
Яко многосветлая здезда от града Мурома возсиял еси, святителю Василие, по водам же дошед до града нашего Рязани, Церковь Божию добре упасл еси, просвещая люди учением и житием твоим. Поминай и ныне чада твоя, молим тя, наставниче наш добрый, и за ны Христу Богу и Пречистей Его Матери молися, да благодарною душею зовем ти: радуйся, угодниче Христов и теплый к Богу о нас молитвенниче.
Тропарь, глас 2 (благоверным князьям Василию и Константину Всеволодовичам Ярославским):
Ваше отечество хвалится обагрением кровей ваших, Церковь же Божия радуется, приемши телеса ваша, людие, песненный лик составльше, духовною цевницею вопиют: ликуй, Василие, радуйся Константине, Ярославлю и всей России радосте.
Кондак, глас 8 (благоверным князьям Василию и Константину Всеволодовичам Ярославским):
Яко цвети честнии розличнии, в райстей пищи процветше невещественно, отечеству своему славу велию и сродникам похвалу и честь явльше, всеистиннии победницы, великий Василие и славный Константине, но убо не престайте молящеся о граде нашем и о всех рабех своих, избавити их от напастей и бед, и всяких лютых обхождений, вопиющих вам: радуйтеся, граду нашему Ярославлю великое утверждение.
О благоверных князьях Василии и Константине Ярославских читайте в книге: Святые – жатва Духа Божия / Архиепископ Аверкий (Таушев). – М., с. 223–224.
Кондак, глас 6 (мученику Иакинфу Римскому):
Древо жизни посреде души своея, веру Твою, Христе, стяжавый Твой мученик, Едемскаго рая честнейший бысть, древо прелести змиевы погубив дерзновенно духом, венчался славою Твоею, Многомилостиве.
Тропарь, глас 1 (блаженному Иоанну, Христа ради юродивому, Московскому):
Любве ради Христовы возненавидев мира сего с ея прелестныя красоты, в мире живый, подвизася добре, яко Ангел на земли, вечные ради жизни, и от земных достоинств таковых душу воскресив духом, плоть же поработив и повинув во всем духу, Христови распяся и к Божественней высоте пресветло взятся благодатно, прииде в Небесный Чертог, идеже ныне, Пресвятей Троице со Ангелы предстоя, во свете неизреченныя радости веселишися, преблаженне Иоанне, тем благодарственно вопием ти: слава Избравшему тя в Руси, блаженне, устава изрядна, слава Укрепльшему тя в народе, слава молитвами твоими и нас Спасающему.
Кондак, глас 8 (блаженному Иоанну, Христа ради юродивому, Московскому):
Святое и пренепорочное понесл еси самовольное мучение, яко вено пречестное, принесл еси тело твое к Пресвятей Троице и Пречистей Богородице и ту сотворил еси честное твое преставление. Терпением твоим и смирением ангельския лики удивил еси и диавола мучителя посрамил еси, от человек отгоняеши духи темныя, различная исцеления подавая. Радуйся, благоюроде Иоанне, с блаженным Василием, и печаль нашу на радость преложи, молися прилежно стране Российстей от междоусобныя брани и от безбожных язык избавитися. Радуйся, земли Российския удобрение и града нашего Москвы великое утверждение.
Кондак, глас 8 (блаженному Иоанну, Христа ради юродивому, Московскому):
Иже Христа ради наложивый на ся мудростию юродство, образом буйства зрим от человек, умныма же крылома горе возлегая, все тело твое веригами осязая, яко злато многоценное, соблюдеся в народе, очистив ум от страстей, веселием духовным прешел еси море мятежнаго сего жития, обрете светлость жизни вечныя, молим тя, блаженне Иоанне, молися прилежно Христу Богу нашему сохранитися нам от всякаго навета и злых обстояний видимых и невидимых враг, да зовем ти: радуйся, многострадальне, яко да молитвами твоими направляеми, предстояще присно с тобою в Троице славимому Богу, поем Ему: Аллилуиа.
О блаженном Иоанне Московском, Христа ради юродивом, текст молитвы в книгах: Святые – жатва Духа Божия / Архиепископ Аверкий (Таушев). – М., с. 223; Молитвослов. Последование ко Святому Причащению. Молитвы за ближних. Молитвы на всякую потребу. – М., с. 328.
Тропарь, глас 4 (преподобному Иоанну Яренгскому):
От земли возведый тя к вечным обителем соблюдает и по смерти невредимо тело твое, святе Иоанне, ты бо в целомудрии и чистоте жития, блаженне, пожил еси, не осквернив тело, темже со дерзновением моли Христа Бога спастися душам нашим.
Тропарь, глас 8 (преподобным Иоанну и Лонгину Яренгским):
Яко звезды многосветлыя, от юности возсиявше, освятили есте сердца верные пренесением честных мощей ваших, добродетельми чудес ваших, во плоти яко бо Ангели на земли, показастеся, пощением насаждени бысте, яко древо при водах воздержания, напоени струями слез ваших, и скверну омысте, сего ради явистеся приятелище Божия Духа, Иоанне и Лонгине, молите Христа Бога спастися душам нашим.
Кондак, глас 8 (преподобным Иоанну и Лонгину Яренгским):
Явистеся светильницы всесветлии, во плоти Ангели, яко живота древо райское, пощением и бдением, и верою возращаеми, процвели есте. Молитвами своими Небесную благодать приемше, врачеве же крепции явльшеся, исцеляете недужныя и души с верою прибегающих к раце мощей ваших, чудотворцы славнии, Иоанне и Лонгине, сего ради вси верою и любовию вопием: радуйтеся, Поморстей стране похвало и утверждение.
О преподобных Иоанне и Лонгине Яренгских, тексты тропарей, кондаков в книгах: Святые – жатва Духа Божия / Архиепископ Аверкий (Таушев). – М., с. 224; Жития всех святых; Святые целители: молитвослов. – М., с. 225–228, 246–247.
Тропарь, глас 8 (преподобному Никодиму Кожеезерскому (Хозьюгскому):
От царствующаго града пресельник явися и яже в нем великия обители и, промышлением Божественнаго разума окормляемый, к морским странам устремися, вселися же в пустыню, уклонялся мирския молвы, и силою Святаго Духа вооружился еси, крестным оружием враги своя прогоняя, постом и непрестанною молитвою жизнь свою совершая, сревнуя великим отцем Антонию и Онуфрию, и Павлу Фивейскому, с нимиже Господеви молися, отче Никодиме, спастися душам нашим.
Кондак, глас 2 (преподобному Никодиму Кожеезерскому (Хозьюгскому):
Пустыню, яко царский чертог, усердно возлюбил еси, в нейже жестокое показа житие многолетным пребыванием, очистив свою душу и ум от страстей, и сего ради Святаго Духа предивно приятелище бысть, Никодиме преподобне, Егоже действием и чудесы обогатился еси, темже и мы почитаем подвиги твоя, всеблаженне, но, яко имеяй дерзновение ко Пресвятей Троице, молися непрестанно о всех нас.
О преподобном Никодиме Кожеезерском читайте в книге: Святые – жатва Духа Божия / Архиепископ Аверкий (Таушев). – М., с. 224–225.
Тропарь, глас 5 (святителю Филиппу II, митрополиту Московскому и всея России, чудотворцу):
Радостный возсия день светлаго торжества: днесь церковная расширяются недра, приемлюще духовных даров неоскудеемо боготворное сокровище, струю благодатей неисчерпаемую, источника чудесе обильна, чудотворивыя и священныя мощи твоя, святителю Филиппе. Темже моли прославившаго тя Дарователя Христа Бога о воспевающих тя и кланяющихся священным мощем твоим.
Кондак, глас 3 (святителю Филиппу II, митрополиту Московскому и всея России, чудотворцу):
Яко солнце, днесь от земных недр возсияша честныя твоя мощи, святителю. Землю же и воздух шествием твоим осветил еси и всех верных чудес богознаменьми облистал еси, чудотворец предивен и молитвенник к Богу о мире изящен явися. Сего ради вопием ти: спасай нас теплым твоим предстательством, яко ученик Божия благодати.
О святителе Филиппе II, митрополите Московском и всея России, чудотворце, о чем ему молятся, текст молитвы в книгах: Молитвы святым Божиим с краткими сведениями о житиях и помощи в разных нуждах; Молитвы о заключенных и находящихся в плену; Жития всех святых; Святые – жатва Духа Божия / Архиепископ Аверкий (Таушев). – М., с. 222.
Молитвы на разные случаи https://www.pravmolitva.ru/catalog/molitvy-na-raznye-sluchai.html
https://www.pravmolitva.ru/goods/akafistnik-v-telesnyh-boleznyah-blagodatnaya-pomosch-bolyaschim-1038.html М.
...https://www.pravmolitva.ru/goods/pasha-krasnaya-o-treh-optinskih-novomuchenikah-ubiennyh-na-pashu-1993-goda-1132.html М.
...https://www.pravmolitva.ru/goods/o-presvyatoy-bogorodice-slovami-svyatyh-otcov-i-podvizhnikov-blagochestiya-994.html М.
...https://www.pravmolitva.ru/goods/svyatoe-evangelie-gospoda-nashego-iisusa-hrista-1002.html ▪ Поутру же, возвращаясь в город, взалкал;
...https://www.pravmolitva.ru/goods/akafistnik-krupnym-shriftom-944.html М.
...https://www.pravmolitva.ru/catalog/karmannye-knigi.html Купить православный молитвослов и другие православные книги малого формата можно на нашем сайте.
...https://www.pravmolitva.ru/goods/akafistnik-za-otechestvo-schit-zemli-russkoy-1308.html М.
...https://www.pravmolitva.ru/goods/bibliya-v-rasskazah-dlya-detey-1305.html М: Духовное преображение, 352 с.
...https://www.pravmolitva.ru/goods/arhimandrit-naum-o-spasitelnom-podhode-k-ispovedi-1042.html М.
...Присоединяйтесь к ОК, чтобы подписаться на группу и комментировать публикации.
Комментарии 8