Эгер бул макаланы ачып, окуп жатсаңыз, анда балаңыз үчүн камсанап, бир нерсени туура эмес кылып жатамбы деп ойлонуп, туура тарбия берүүгө ашыккан ата-энесиз. Азаматсыз! Бүгүн биз сизге баланы кантип тыйган болбойт экенин айтып беребиз. Баалуу маалыматка ээ болгондон кийин, башка ата-энелер менен дагы бөлүшкөндү унутпаңыз.
⭕Ыйлоо Адамдын көңүлү жок болгондо, бир жери ооруганда, же корккондо ыйлагысы келет. Себеби, көз жаш стресстен чыгууга жардам берет. Айрымдар эркек баланы күчтүү, эр жүрөк кылып тарбиялагысы келгендиктен “кызга окшоп ылайсыңбы, ыйлаба” – деп айтышат. Кээде ата-энелер ыйлаган бала аларды элдин көзүнчө уят кылып жатат, деп кабаатырланышат. Бирок ата-эне баланы жалаң эле тил алчаак, жыргап күлүп жатканда эле эмес, ыйлап, кайгырганда деле жакшы көрөрүн, аны ар дайым колдоорун көрсөтүшү керек.
⭕Коркуу Коркуу сезими баарында болот. Кыздар да, балдар да, чоңдор да коркушат. Бир нерседен коркуу - бул нормалдуу. Эгер бала сизге коркуп жатам, деп айтса, “Ошондон да коркобу? Коркок, десе” – деп айтпаңыз. Биринчиден, сиз ал эмне сезип жатканын билбейсиз, экинчиден, баланын сезимдерине ишенбегениңизди көрсөтүп жатасыз. ⭕“Жок” деп айтуу Албетте эч ким жок деген сөздү уккусу келбейт. 3 жашка чыккан бала жаңыдан гана өз алдынча адам, өз пикири бар инсан экенин түшүнө баштайт. Эгер бала бир нерсе жасоодон, же сиздин тилиңизди алуудан баш тартып жатса, эркелигинен чыр салууда дегендик эмес. Бала өз алдынча чечим чыгарып, анын жыйынтыгы кандай боло турганын көрүш керек. Сиз баланын “жок”, “жасабайм, ичпейм, жебейм, кийбейм” дегендерин сыйласаңыз, келечекте ал өзүнүн жеке көз карашын, позициясын коргой алат. Айдатма эмес, өз алдынча иш кылып, ал үчун жоопкерчилик алганга үйрөнөт.
Присоединяйтесь к ОК, чтобы подписаться на группу и комментировать публикации.
Нет комментариев