მე უსასრულოდ შემიძლია ვითმინო წყენა,
და უსასრულოდ შემიძლია ვითმინო დარდი,
ყველა შეცდომაც შემიძლია, რომ გაპატიო,
ამის მიხვედრას, აზრის შეცვლას ყოველთვის გაცდი.
მე უსასრულოდ შემიძლია მიყვარდეს ყველა,
ისე უბრალოდ, უანგაროდ, იყოს ჩემს გულში,
მხოლოდ ერთს ვითხოვ, შენგან მინდა რომ მიერთგულო,
რომ არ დავკარგო ჩემი თავი ნაპოვნი შენში.
რა ადვილია სიყვარულთან ერთად ცხოვრება,
თითქოს იხსნება შენს წინ თვითონ სამოთხის კარი,
სიყვარულია თვითონ ღმერთი ამ ქვეყანაზე,
ყველაზე წმინდა, რაც კი რამე ამ ქვეყნად არის.
სწორედ სიყვარულს ვუფრთხილდები, შენსას ჩემს გულში,
და ამიტომაც ვეკიდები წყენას ფაქიზად,
ჩემს უნებლიედ ცდილობს გული შენს გამართლებას,
მეც მას ვუჯერებ, ჩემი გული გაჩნდა ასეთად.
ხან მიფიქრია სიძულვილი ნეტავ სად არის,
აღარ არსებობს, გადაშენდა დედამიწიდან?
არ შეიძლება ყველაფერზე დახარო თავი,
ხანდახან უნდა გამოხვიდე შენი თავიდან...
მაგრამ რაც არ ხარ ვერასოდეს გახდები თურმე,
ვიღაცამ იქნებ ჩამითვალოს ეს ნაკლად დიდად,
მაგრამ რა ვქნა, რომ ასეთი ვარ ასეთად გავჩნდი,
როცა მიყვარხარ, მხოლოდ მაშინ ვარ თვითონ მშვიდად.
და ამიტომაც გიფრთხილდებით, მიყვარხართ ყველა,
რა უფლება მაქვს რომ განვსაჯო ავი და კარგი,
როცა უფლისთვის ყველა შვილი ერთნაირი ვართ,
და ალბათ უფალს მეც ასეთი თუ შევუყვარდი...
მონანიება, პატიება და სიყვარული...
აი სიტყები ჯადოსნური, ყველგან აქვს ძალა,
და მეც მგონია ალადინის ჯინი ვარ თითქოს,
მინდა, რომ მხოლოდ სიყვარული ვთესო ამ ქვეყნად.
ვიღაცა ამას სწორად გაიგებს,
ვიღაც სხვა სახელს დაარქმევს ვიცი,
მაინც ჯიუტად მიყვარხართ ყველა,
ისე მერწმუნეთ, არ მთხოვოთ ფიცი...
Присоединяйтесь к ОК, чтобы подписаться на группу и комментировать публикации.
Нет комментариев