ОМСКАЯ ЕПАРХИЯ

Евангелие дня (21 января)

Мк 10:2–12 (зачало 43)
На церковнославянском языке, гражданским шрифтом:
Во вре́мя о́но, присту́пльше фарисе́е вопроси́ша Иису́са: а́ще досто́ит му́жу жену́ пусти́ти? Искуша́юще Его́. Он же отвеща́в рече́ им: что вам запове́да Моисе́й? Они́ же ре́ша: Моисе́й повеле́ кни́гу распу́стную написа́ти, и пусти́ти. И отвеща́в Иису́с рече́ им: по жестосе́рдию ва́шему написа́ вам за́поведь сию́. От зача́ла же созда́ния, му́жа и жену́ сотвори́л я́ есть Бог. Сего́ ра́ди оста́вит челове́к отца́ своего́ и ма́терь и прилепи́тся к жене́ свое́й, и бу́дета о́ба в плоть еди́ну. Те́мже уже́ не́ста два, но плоть еди́на. Е́же у́бо Бог сочета́, челове́к да не разлуча́ет. И в дому́ па́ки

Евангелие дня (13 января)

Мк 12:13–17 (зачало 54)
На церковнославянском языке, гражданским шрифтом:
Во вре́мя о́но, посла́ша ко Иису́су архиере́е и ста́рцы иуде́йстии не́кия от фарисе́й и ироди́ан, да Его́ обольстя́т сло́вом. Они́ же прише́дше глаго́лаша Ему́: Учи́телю, ве́мы, я́ко и́стинен еси́, и не ради́ши ни о ко́мже, не зри́ши бо на лице́ челове́ков, но вои́стинну пути́ Бо́жию учи́ши. Досто́ит ли кинсо́н ке́сареви да́ти, или́ ни? Да́мы ли, или́ не да́мы? Он же ве́дый их лицеме́рие, рече́ им: что Мя искуша́ете? Принеси́те Ми пе́нязь, да ви́жу. Они́ же принесо́ша. И глаго́ла им: чий о́браз сий и написа́ние? Они́ же ре́ша Ему́: ке́сарев. И отвеща́в Иису́с рече́ им: воздади́те ке́сарева к

Евангелие дня (12 января)

Мф 2:13–23 (зачало 4)
На церковнославянском языке, гражданским шрифтом:
Отше́дшим волхво́м, се А́нгел Госпо́день во сне яви́ся Ио́сифу, глаго́ля: воста́в, поими́ Отроча́ и Ма́терь Его́, и бежи́ во Еги́пет, и бу́ди та́мо, до́ндеже реку́ ти, хо́щет бо И́род иска́ти Отроча́те, да погуби́т Е́. Он же, воста́в, поя́т Отроча́ и Ма́терь Его́ но́щию и оты́де во Еги́пет. И бе та́мо до уме́ртвия И́родова, да сбу́дется рече́нное от Го́спода проро́ком, глаго́лющим: от Еги́пта воззва́х Сы́на Моего́. Тогда́ И́род, ви́дев, я́ко пору́ган бысть от волхво́в, разгне́вася зело́ и посла́в, изби́ вся де́ти, су́щия в Вифлее́ме и во всех преде́лех его́, от двою́ ле́ту и нижа́йше по вре́ме