ОМСКАЯ ЕПАРХИЯ

Евангелие дня (29 ноября)

Лк 16:15–18; 17:1–4 (зачало 82)
На церковнославянском языке, гражданским шрифтом:
Рече́ Госпо́дь ко прише́дшым к Нему́ иуде́ем: вы есте́ оправда́юще себе́ пред челове́ки, Бог же весть сердца́ ва́ша, я́ко е́же есть в челове́цех высоко́, ме́рзость есть пред Бо́гом. Зако́н и проро́цы до Иоа́нна, отто́ле Ца́рствие Бо́жие благовеству́ется, и всяк в не ну́дится. Удо́бее же есть не́бу и земли́ прейти́, не́же от зако́на еди́ной черте́ поги́бнути. Всяк пуща́яй жену́ свою́ и приводя́ и́ну прелюбы́ де́ет, и женя́йся пуще́ною от му́жа прелюбы́ твори́т. Рече́ же ко ученико́м Свои́м: не возмо́жно есть не приити́ собла́зном, го́ре же, его́же ра́ди прихо́дит. У́нее ему́ бы́ло бы,

Евангелие дня (28 ноября)

Лк 16:1–9 (зачало 80)
На церковнославянском языке, гражданским шрифтом:
Рече́ Госпо́дь при́тчу сию́: челове́к не́кий бе бога́т, и́же имя́ше приста́вника, и той оклевета́н бысть к нему́, я́ко расточа́ет име́ния его́. И пригласи́в его́ рече́ ему́: что се слы́шу о тебе́? Возда́ждь отве́т о приставле́нии домо́внем, не возмо́жеши бо ктому́ до́му стро́ити. Рече́ же в себе́ приста́вник до́му: что сотворю́, я́ко госпо́дь мой оте́млет строе́ние до́му от мене́? Копа́ти не могу́, проси́ти стыжу́ся. Разуме́х, что сотворю́, да егда́ отста́влен бу́ду от строе́ния до́му, прии́мут мя в до́мы своя́. И призва́в еди́наго кого́ждо до́лжник господи́на своего́, глаго́лаше пе́рвому: кол

Евангелие дня (27 ноября)

Лк 15:1–10 (зачало 78)
На церковнославянском языке, гражданским шрифтом:
Во вре́мя о́но, бя́ху приближа́ющеся Иису́су вси мытари́е и гре́шницы, послу́шати Его́. И ропта́ху фарисе́е и кни́жницы, глаго́люще, я́ко Сей гре́шники прие́млет и с ни́ми яст. Рече́ же к ним при́тчу сию́, глаго́ля: кий челове́к от вас имы́й сто ове́ц, и погу́бль еди́ну от них, не оста́вит ли девяти́десят и девяти́ в пусты́ни и и́дет вслед поги́бшия, до́ндеже обря́щет ю́? И обре́т возлага́ет на ра́ме свои́ ра́дуяся. И прише́д в дом, созыва́ет дру́ги и сосе́ды, глаго́ля им: ра́дуйтеся со мно́ю, я́ко обрето́х овцу́ мою́ поги́бшую. Глаго́лю вам, я́ко та́ко ра́дость бу́дет на небеси́ о еди́нем гр

Евангелие дня (26 ноября)

Лк 14:25–35 (зачало 77)
На церковнославянском языке, гражданским шрифтом:
Во вре́мя о́но, идя́ху со Иису́сом наро́ди мно́зи, и обра́щься рече́ к ним: а́ще кто гряде́т ко Мне, и не возненави́дит отца́ своего́ и ма́терь, и жену́ и чад, и бра́тию и сестр, еще́ же и ду́шу свою́, не мо́жет Мой бы́ти учени́к. И и́же не но́сит креста́ своего́ и вслед Мене́ гряде́т, не мо́жет Мой бы́ти учени́к. Кто бо от вас, хотя́й столп созда́ти, не пре́жде ли сед разчте́т име́ние, а́ще и́мать, е́же есть на соверше́ние? Да не, когда́ положи́т основа́ние и не возмо́жет соверши́ти, вси ви́дящии начну́т руга́тися ему́, глаго́люще, я́ко сей челове́к нача́т зда́ти и не мо́же соверши́ти? Или́

Евангелие дня (25 ноября)

Лк 14:12–15 (зачало 75)
На церковнославянском языке, гражданским шрифтом:
Во вре́мя о́но, вни́де Иису́с в дом не́коего кня́зя фарисе́йска в день суббо́тный сне́сти хлеб, и глаго́лаше ко зва́вшему Его́: егда́ сотвори́ши обед или́ ве́черю, не зови́ друго́в твои́х, ни бра́тии твоея́, ни сро́дник твои́х, ни сосе́д бога́тых, еда́ когда́ и ти́и тя та́кожде воззову́т, и бу́дет ти воздая́ние. Но егда́ твори́ши пир, зови́ ни́щыя, маломо́щи, хро́мыя, слепы́я, и блаже́н бу́деши, я́ко не и́мут ти что возда́ти, возда́ст же ти ся в воскреше́ние пра́ведных. Слы́шав же не́кий от возлежа́щих с Ним сия́, рече́ Ему́: блаже́н, и́же снесть обед в Ца́рствии Бо́жии.
На русском языке, в

Евангелие дня (24 ноября)

Лк 10:25–37 (зачало 53)
На церковнославянском языке, гражданским шрифтом:
Во вре́мя о́но, зако́нник не́кий приступи́ ко Иису́су, искуша́я Его́ и глаго́ля: Учи́телю, что сотвори́в, живо́т ве́чный насле́дую? Он же рече́ к нему́: в зако́не что пи́сано есть? Ка́ко чте́ши? Он же отвеща́в рече́: возлю́биши Го́спода Бо́га твоего́ от всего́ се́рдца твоего́, и от всея́ души́ твоея́, и все́ю кре́постию твое́ю, и всем помышле́нием твои́м, и бли́жняго своего́ я́ко сам себе́. Рече́ же ему́: пра́во отвеща́ еси́, сие́ сотвори́, и жив бу́деши. Он же хотя́ оправди́тися сам, рече́ ко Иису́су: и кто есть бли́жний мой? Отвеща́в же Иису́с рече́: челове́к не́кий схожда́ше от Иерусали́м

Евангелие дня (23 ноября)

Лк 9:37–43 (зачало 46)
На церковнославянском языке, гражданским шрифтом:
Во вре́мя о́но, соше́дшу Иису́су с горы, сре́те Его́ наро́д мног. И се муж из наро́да возопи́, глаго́ля: Учи́телю, молю́ Ти ся, при́зри на сы́на моего́, я́ко единоро́ден ми есть, и се дух е́млет его́, и внеза́пу вопие́т, и пружа́ется с пе́нами, и едва́ отхо́дит от него́, сокруша́я его́, и моли́хся ученико́м Твои́м, да иждену́т его́, и не возмого́ша. Отвеща́в же Иису́с рече́: о, ро́де неве́рный и развраще́нный, доко́ле бу́ду в вас и терплю́ вы? Приведи́ Ми сы́на твоего́ се́мо. Еще́ же гряду́щу ему́, пове́рже его́ бес и стрясе́. Запрети́ же Иису́с ду́хови нечи́стому, и исцели́ о́трока, и вдаде́

Евангелие дня (22 ноября)

Лк 13:31–35 (зачало 73)
На церковнославянском языке, гражданским шрифтом:
Во вре́мя о́но, приступи́ша ко Иису́су не́цыи от фарисе́й, глаго́люще Ему́: изы́ди и иди́ отсю́ду, я́ко И́род хо́щет Тя уби́ти. И рече́ им: ше́дше рцы́те ли́су тому́, се изгоню́ бе́сы и исцеле́ния творю́ днесь и у́тре, и в тре́тий сконча́ю. Оба́че подоба́ет Ми днесь и у́тре и в бли́жний ити́, я́ко невозмо́жно есть проро́ку поги́бнути кроме́ Иерусали́ма. Иерусали́ме, Иерусали́ме, изби́вый проро́ки и ка́мением побива́я по́сланныя к тебе́, колькра́ты восхоте́х собра́ти ча́да твоя́, я́коже ко́кош гнездо́ свое́ под криле́, и не восхоте́сте? Се оставля́ется вам дом ваш пуст. Глаго́лю же вам, я́ко

Евангелие дня (21 ноября)

Лк 10:16–21 (зачало 51)
На церковнославянском языке, гражданским шрифтом:
Рече́ Госпо́дь Свои́м ученико́м: слу́шаяй вас, Мене́ слу́шает, и отмета́яйся вас, Мене́ отмета́ется, отмета́яйся же Мене́, отмета́ется Посла́вшаго Мя. Возврати́шася же се́дмьдесят с ра́достию, глаго́люще: Го́споди, и бе́си повину́ются нам о и́мени Твое́м. Рече́ же им: ви́дех сатану́ я́ко мо́лнию с небесе́ спа́дша. Се, даю́ вам власть наступа́ти на змию́ и на скорпи́ю и на всю си́лу вра́жию, и ничесо́же вас вреди́т. Оба́че о сем не ра́дуйтеся, я́ко ду́си вам повину́ются, ра́дуйтеся же, я́ко имена́ ва́ша напи́сана суть на небесе́х. В той час возра́довася ду́хом Иису́с и рече́: испове́даю Ти ся

Евангелие дня (20 ноября)

Лк 12:48Б–59 (зачало 69)
На церковнославянском языке, гражданским шрифтом:
Рече́ Госпо́дь: вся́кому, ему́же дано́ бу́дет мно́го, мно́го взы́щется от него́, и ему́же преда́ша мно́жайше, мно́жайше про́сят от него́. Огня́ приидо́х воврещи́ на зе́млю, и что хощу́, а́ще уже́ возгоре́ся? Креще́нием же и́мам крести́тися, и ка́ко удержу́ся, до́ндеже сконча́ются? Мните́ ли, я́ко ми́ра приидо́х да́ти на зе́млю? Ни, глаго́лю вам, но разделе́ния. Бу́дут бо отсе́ле пять во еди́ном дому́ разделе́ни, трие́ на два, и два на три. Раздели́тся оте́ц на сы́на, и сын на отца́, ма́ти на дщерь, и дщи на ма́терь, свекры́ на неве́сту свою́, и неве́ста на свекро́вь свою́. Глаго́лаше же и н