(14 - бөлүм)
— Эмне болду айта бериңиз? Сизди тынчсыздандырып жаткан эмне болушу мүмкүн? Менден жашырбаңыз.
Аялы акырын үн катты. Аялынын колдорунан акырын кармаган киши үн катты.
— Сага рахмат баары үчүн. Сен болбосоң эмне кыла алмакмын билбейм чынында. Жашоодо көп каталыктарыма көз жумуп, мени сүйгөн сага рахмат. Мен сенден ыраазымын бирок билбейм азыркы айтчуу сөзүм сага жагабы, же жакпайбы бирок мындан башка айлам жоктой. Балдарды алып алыс кетишиңди суранам.
— Аялынын көздөрүнө тике карап сүйлөп алды.
Жок - жок эмне деп жатасыз жаным, мен сизди кантип таштамак элем?
Аялынын көздөрү жашка толо түштү. Азыр эле жанында отурган жолдошун түбөлүккө жоготуп алчуудай коркуп, денеси титирей түштү.
— Билем бул акылсыз чечим, бирок мындан башка айлам жок. Айдынды да ошол себептен кетирдим алар менен. Өз балдарымдан, сенден корком. Ал бир күнү келеерин жүрөгүм сезүүдө. Суранам сөзүмө каршы чыгышыңды каалабайм. Анткени мен мындан башка жолун көрбөй турам. Балдарымда күнөө жок, баарына мен күнөөлүмүн алар жашашы керек.
Аялын карап алып киши сүйлөй берди. Аялы каршы болушу башынан турган кеп эле, бирок ар кандай сөздөрдү айтып жатып, аялын көндүрүүгө аракет кылып жатты.
Сыртта эч нерседен бей капар ойноп жүргөн чүрпөлөрүн карап алган аял чын эле күйөөсүнө жибигендей, үн ката албай күйөөсүн тиктеди.
— Айтыңызчы бирок кайда? Анын жүрбөгөн жери жок эмеспи, кайда барып баш калкалайбыз?
Аялы күйөөсүн карай үмүтсүз үн катты.
— Мен бир мамлекетти билем аларда баары тынч, баары жакшы. Ал жакта ишендирип айта алам тынч жашайсыңар, убакытты өткөрбөшүбүз керек. Жолго аттанасын эртең.
Күйөөсүнүн айткан сөзү аялды таң калтырып турду.
— Эртеңби?
— Ооба эртең жолго аттанышың керек даярдыгыңды көр.
Күйөөсүнүн чечимине эч нерсе дей албай, ордунан шарт туруп кеткен күйөсүн карап отуруп калды. Бир аздан соң ордунан туруп үнсүз балдарынын кийимдерин топтоого киришти. Балким бул эң туура чечимдир. Балдары жашашы керек. Ата энесинин күнөөлөрү үчүн балдары азап тартуусу, же жооп берүүсү бул акылсыздык. Өзү да ушул сөздөрдү ойлоп алды. Жолдошуна деле бул чечимди кабыл алуусу оңой болбогонун билип турду. Ичинен миң өлүп, миң тирилип жаткан күйөөсүн аяап да турду.
Убакыт бат эле өтүп кою түн караңгылык каптап кирди. Өзү менен кошо эки жаш кызматкерин даярдык көрүүсүн суранган.
Түндү уйкусуз ойлор менен өткөрүштү. Эртеси таң агарып баштаган убакта туруп баары шашыла жыйнана баштады.
— Атаке...
Чыккан үндөн артын караган киши баласын көрдү.
— Эмне болду балам? Даярдыгыңды көрдүңбү, баары жайдабы?
Атасынын берген суроосуна жооп бербей, тек гана капалуудай тиктеп турган баласын карап алган киши жүрөгү миң тилинип турду.
— Балам мени туура түшүнөсүң деген ойдомун! Анткени кээде тагдыр мени силерден алыс бөлүшү мүмкүн. Бирок бул дегени силерден жөн гана узакташ дегени эмес. Мени кара уулум эгер тирүү болсом силерди албетте издеп табам, бирок ага дейре апаң менен эжеңди сага тапшырам. Мен билем сен менин эң мыкты эрктүү уулумсун. Аял киши ар дайым жардамга муктаж, коргоого муктаж болот, апаң менен карындашыңды жакшы карайсын деп үмүттөнөм. Колдон келсе мени эстебешке аракет кыл? Карындашыңдын жүрөгүн жаралаба эч качан ага катуу тийбе, эң башкысы өз жаныңан артык коргогун. Мени түшүндүңбү уулум?
Ийнине колун койуп баласын суроолуу карады.
— Албетте атаке! Сизге сөз берем. Карындашымды апамды өзүм карайм.
Кантсе да атасынан өткөн кайраттуулук бар эмеспи. Баласынын көздөрүнөн алгачкы ирет эрктүүлүктү көрүп турду. Анын көздөрүндө кайраттуулук бийлеп заматта жанагы жашка толуп башын жерге салган жигит өзгөрө түштү.
— Мына ушунда уулум! Мына ушундай бол.
Уулун кучактап алган атанын деми кысыла, жүүнү бошой түштү.
— Биз даярбыз!
Аркы жактан аялы кызын алып кирип келди. Кызынын бакырайган көздөрүн өөп кучактаган ата үчүн алардан ажыраш өтө эле оор эле. Бирок айла жок дароо сыртка чыгып, аттарда артылып турган арабага карай жол басты.
Аркы жактан эки кызматкер кыз менен жигит да күтүп турушкан.
— Силерге ийгилик жолуңар болсун. Мен силерге ишенем.
Баарына ак жол тилеген ата аялы менен кучакташып коштошо мөлтүрөгөн жүзүнөн аялдын жашын аарчып алды.
— Сени сүйөм, сен мага ушунча бакыт тартуулаганыңа чексиз ыраазымын. Сен жашашың керек балдар үчүн өзүңдү абайла.
Колдорун бошото аялын арабага отургуза, өзү уламдан улам ыраактап калып кетип жатты.
Таң азанда айылдан чыгып кетишти. Түн киргенче далай жол басыш керек дагы жок дегенде ээн жерден өтүп шаарга жетишсе да коркунуч азыраак болоор беле? Кишинин көзү төрт болуп тилегени эле үй бүлөсү аман эсен жетүүсү. Жүрөгү шуулдай акыркы убакта түшү да жакшы эмес, уйкуну да унутуп баратты. Келчүү душманы кечигип жаткандай тынчсыздана берчүү болду. Жүрөгү бир жамандыкты сезгендей, кыйналып түнүн эшикте ары бери басып өткөрүп жүрдү. Эли тынч уйкуда баары өз тиргилиги менен. Эми гана тынч жашоодо жашап баштаган кайран эл! Аларды ойлой жүрөгү ооруйт.
Узун түн! Баары жымжырттыкта уктап жатат. Жалгыз гана токой аралай, кетип жаткан аттардын басканы, арабанын калдыраган үнү гана угулбаса, башка кулак кескен жымжырттык. Бул жолоочулар жолдо жүргөнүнө бүгүн экинчи күндүн жүзү. Колундагы кичинекей кыз эч нерсе билбей уктап жатат. Аны агасы бекем колдорун кармап алган. Кошуна өлкөдөгү шаарга кирүүлөрүнө аз калган. Бир аз жол жүрүшсө эс алышмак. Бир убакта аттары үркүп барып кишеней, алда нени сезгендей, тыбырчылап бир орунда турбай калышты. Дароо бир нерсе болгонун сезгендей, коркууга түшүп ичинде отуруп калышты. Бирок сырт жакты саамга жым жырттык ээлей түштү. Эмне болду экен баласы менен кызын колдон келишинче жыт билдирбеген нерсе менен сүртүп чыккан эне акырын арабанын жабылган тосмосун ачып карап алды. Бирок эч кимди байкай алган жок. Анын үстүнө бул кошуна шаарда тартип күч болуп, жөн гана адам өлтүрүү бул катуу кылмыш болчуу. Бул нерсени билген эл эч нерседен тайманбай өч алмайынча коюушчуу эмес. Ошол үчүн да баары тынчтыкта турган. Дагы бир аз жүрүшсө алыстан жарык көрүнүп от жагып, өздөрүнчө каткырык салып отурган адамдарды аралап кетишмек. Бирок буга болгон жок. Ошол чек арага жетишсе калганы оңой болмок деген менен болбоду. Жанатан жол ката аттын үстүндө башкарып келе жаткан киши жер жутуп кеткендей жоголгон эле. Акырын унчукпай баласын кучактап, койду да калганын үн катпагыла деп ишаара кылып өзү акырын сыртка чыкты. Тып -тып эткен кандын жыты мурунга өрдөп, тамчылап, тээ дарактын башында илинип турган жолоочусун көрө жүрөгү оозуна кептеле түштү.
— Оо кимдерди көрүп жатам? Кандай күтүлбөгөн жолугушуу ?
Аркы жактан ээгиндеги канды аарчый көздөрү кызарып канга толгон жигит чыкты.
— Демек сен, сен ошол!
Калтыраган үнү араң чыгып, аял артты көздөй кетенчиктей берди.
— Сени аябай акылдуу анан сулуу деп укчуумун демек чындык экен.
Көзүн аялдан албай жай баракат басып келе жаткан жырткыч мүнөз, кара көлөкөнү биринчи жолу көрүп жатканы эле.
— Оюмча сенин сүйүктүүң үчүн укмуштуудай күтүлбөгөн жаңылык болот ээ?
Ал уламдан улам аялды көздөй кадам шилтеп келе берди.
— Айтышка акым жоктур бирок сүйүктүүңдүн өлүмүнө өзүң күнөөлүсүн баарын өзүң кылдың, эч кимдин күнөөсү жок эле өчөшпө биздин күнөөбүз кайсыл?
Калтыраган аял аркы жактагы ат арабадан алыстатканча, коркуп жатса да сүйлөй, алды көздөй кадам таштай берди.
— Чушш сен эч нерсе билбейсин! Мен тууралуу ал тууралуу эч нерсе билбейсин. Демек үн катпа азырча мага тирүү керексин.
— Эмнеге өлтүр мени! Неге тирүү керекмин сага? Эч качан ойлобо сенин жаныңда тирүү тураарымды.
Аял жини келе сүйлөп алды. Оюна миң түрлүү ойлор келип жатты. Капыстан балдарымды билип алсачы? Деген ой жүрөгүн тешип өтүп жатты. Бул учурда кыйла арабадан узактап калышкан эле.
— Жоок жок сага башка нерсе ойлоп койдум.
Жакындай бергенде, кулагына угулган жаш кыздын шыбырынан кара көлөкө дароо тык токтоду. Канча чакырым алыстыктан да угуу касиети бар Кара көлөкө арабада жаңы ойгонуп, апасын сураган Миренанын үнүн кулагы чалган эле.
Аны дароо байкаган кыраакы аял да араба тарапты бир карап ала, ичиндеги кызматчысына бакырды.
— Айда батыраак качкыла!
Бир жаңырган катуу үндү угуштары менен, аттар ордунан козголо, чуркап жөнөштү. Алдына отура калган ичиндеги жигит эч нерсени карабай атты чаап жөнөгөн эле.
Дароо кетип калаарда күйөөсүнүн берген кичинекей бычакты кынынан сууруп ала алдында турган жигитке малып алды. Кулак жаңырткан үндөн улам жигитке оңой болбогонун билип турду. Тизелеп жерге бүк түшө түшкөн жигит чын эле бычактын өзүнө каршы карата колдонулган бычакта уу дарынын болушунча сүртүлгөнүн билген эмес. Алсырап отуруп калганда гана калың токой аралай качып жөнөгөн аял жанатан сайран тееп отурушкан тээ жактагы күйгөн отту көздөй качып жөнөдү. Оюнда балдарынан алаксытып алыс алып кетүү эле. Алардын ат дүбүртү угулбай калганынан улам кыйла ыраактап кеткенин билип турду. Бирок өзү бул абалда жигиттен кача албасын биле тык токтоду. Анткени дал маңдайында, колунда беш минут алдын өзү матырып алган канжарын кармай, каары жүзүнөн чачыраган жигиттин турганын көрүп, корко түштү.
— Бул сага эң жеңил жаза!
Заматта куюн боло алдына жетип келген жигит аялды чачынан булка тартып, арсайган азуу тиштерин аялдын алкымына батырып алды.
Ачуу чыккан чаңырык кою токой ичин жаңырта, качан аялдын колдору шалактап өзүн жоготкондо, жигит аны ийнине арта салып токой ичин аралап каяккадыр жөнөп кетти.
Уландысы бар.
Присоединяйтесь к ОК, чтобы подписаться на группу и комментировать публикации.
Комментарии 2