17 июня
ВОСКРЕСЕНЬЕ
Новый стиль
30 июня
Неделя 1-я по Пятидесятнице, Всех святых
Поста нет.
Мчч. Мануи́ла, Саве́ла и Исмаи́ла (362).
Тропарь мученикам Мануилу, Савелу и Исмаилу, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
Кондак мученикам Мануилу, Савелу и Исмаилу, глас 2
Ве́рою Христо́вою уя́звлени, всеблаже́ннии,/ и Сего́ ве́рно испи́вше ча́шу,/ пе́рсская служе́ния и де́рзость на зе́млю низложи́сте,/ Тро́ицы равночи́сленнии,// моли́твы творя́ще о всех нас.
Священномученика Аве́ркия Северовостокова, пресвитера (1918);
исповедника Максима (Попова), иеромонаха (1934);
мц. Пелаги́и Балакиревой (1943).
Иконы Божией Матери: «Нерушимая Стена»;
«Умягчение злых сердец».
Тропарь Пресвятой Богородице пред иконой Ея «Умягчение злых сердец», глас 5
Умягчи́ на́ша зла́я сердца́, Богоро́дице,/ и напа́сти ненави́дящих нас угаси́/ и вся́кую тесноту́ души́ на́шея разреши́,/ на Твой бо святы́й о́браз взира́юще,/ Твои́м сострада́нием и милосе́рдованием о нас умиля́емся/ и ра́ны Твоя́ лобыза́ем,/ стрел же на́ших, Тя терза́ющих, ужаса́емся./ Не даждь нам, Ма́ти Благосе́рдная,/ в жестосе́рдии на́шем и от жестосе́рдия бли́жних поги́бнути,// Ты бо еси́ вои́стину злых серде́ц умягче́ние.
Кондак Пресвятой Богородице пред иконой Ея «Умягчение злых сердец», глас 2
Благода́тию Твое́ю, Влады́чице,/ умягчи́ сердца́ злоде́ев,/ низпосли́ благоде́телей,/ соблюда́ющи их от вся́каго зла,/ благомоля́щимся Ти усе́рдно// пред честны́ми ико́нами Твои́ми.
Молитва Пресвятой Богородице пред иконой Ея «Умягчение злых сердец»
О, Многоско́рбная Ма́ти Бо́жия, превы́шшая всех дще́рей земли́ по чистоте́ Свое́й и по мно́жеству страда́ний, Тобо́ю на земли́ пренесе́нных! Приими́ многоболе́зненная воздыха́ния на́ша и сохрани́ нас под кро́вом Твоея́ ми́лости, ина́го бо прибе́жища и те́плаго предста́тельства, ра́зве Тебе́, не ве́мы, но, я́ко дерзнове́ние иму́щи к И́же от Тебе́ Рожде́нному, помози́ и спаси́ ны моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти хвалу́ в Тро́ице Еди́ному Бо́гу, всегда́, ны́не, и при́сно, и во ве́ки веко́в. Ами́нь.
Присоединяйтесь к ОК, чтобы подписаться на группу и комментировать публикации.
Нет комментариев