Яна’’ ханярина илебей ненэцие’’ ялям’ мэ’’ӈаць. Саляӈгардахана ӈобтикы тарця сер’’ миӈась.
Хубтахана сарёӈэ еремя. Ӈадьбята яля’ ер’ пуд пин’ тарпыв’’. Ялянда сэв ёльце ябере. Таб’ ниня волейболхана сянакода’’ мэ’’. Тамна’ тяхакуна падтаӈгода’’, сэдорана’’ ӈамды’’. Тикы’’ нини’’ някуна хаядм’. Сэдоравам’ минренаӈэ Некоча Окотэтто Саляӈгарад’ илебей’’ ненэцие’’ мэлава’ мякана манзарана таравы. Табекованда сер’ лахана:
- Маня’’ ява’’ лэтрамбади’’ е’’эмня балаклава сэдыбива’’. Сава’ мюняна мэта’’ ӈамгэри’’. Тарцям’ мэп’’нандо’ пыдо’ ни’’ ханьтаӈгу’’. Таддикахад тамна ӈани’ ӈопой минренами лыӈгарё мэта поӈгам’ паӈгалпава. Марад’ тер’’, мядонда’’ харто’ няни турӈа’’, си’’ми нядаби’’.
Присоединяйтесь к ОК, чтобы подписаться на группу и комментировать публикации.
Нет комментариев