Предыдущая публикация
Մեկ զանգ.
վկայություն
Մեկ զանգ. վկայությունԻմ անունը Կոնստանտին է: 34 տարեկան եմ: Թմրադեղ առաջին անգամ փորձել եմ մանուկ հասակում, պարզապես ընկերակցելու համար մեծահասակ տղաներին: Եվ մի նշանաբան որդեգրեցի ինձ համար. «Ամեն բան փորձել այս կյանքում»: Իմ ամբողջ կյանքն անցել է թմրադեղերի հետ միասին:
Բազմիցս եմ թողել դրանք, բայց ամեն անգամ որոշ ժամանակ անց նորից վերադարձել եմ: Համարում էի, որ դա վատ սովորություն է, որից կարող եմ ինքս ազատվել, երբ ցանկանամ, երբ ժամանակը գա, որը, չգիտես ինչու, միշտ ձգձգվում էր: Խնդրի ամբողջ խորությունը ես գիտակցեցի միայն այն ժամանակ, երբ եկա Աստծուն:
Վերջին ժամանակներում թմրանյութերը սկսել էին ոչ միայն չբավարարել, այլև ստեղծել շատ խնդիրներ, ինչը շատերին է հայտնի: Խավարը կուլ էր տալիս ինձ, ես կորցրել էի ընկերներիս, աշխատանքս, ընտանիքս, ինչն այդ ժամանակ ամենամեծ կորուստս էր, որովհետև շատ թանկ էր ինձ համար: Հաճախ էի ընկնում հուսալքության մեջ ու չէի ցանկանում ապրել: Կյանքը դատարկվել էր: Բայց Աստծո ողորմությունը մեզ՝ մեղավորներիս հանդեպ, անսահման է: Եվ դա երևում է իմ օրինակով:
Տեսնելով իմ հոգեկան տանջանքները՝ Աստված բերեց ինձ եկեղեցի: Փողոցներում ես երբեք չէի լսել Աստծո մասին, կամ գուցե լսել էի երբևէ, բայց չէի հիշում:
Ինձ պետք էր զանգել՝ թմրանյութի հերթական չափաբաժնի համար պայմանավորվելու, և ես մտա եկեղեցու շենք՝ այնտեղի հեռախոսից օգտվելու համար: Հենց որ ներս մտա, միանգամից լույս նկատեցի խավարի մեջ, այն խավարի, որն ինձ էր շրջապատել: Երբ ինձ առաջարկեցին ապաշխարել, ես միանգամից համաձայնեցի:
Եվ Աստված սկսեց հայտնել ինձ Իրեն: Նա սկսեց հրաշքներ անել իմ կյանքում: Ինձ եղբայրները տարան վերականգնողական կենտրոն, և Աստված ոչ միայն ազատագրեց ինձ թմրադեղերի իշխանությունից, այլև բազում վնասակար սովորություններից: Բայց ամենագլխավոր հրաշքը, որ կատարվեց ինձ հետ, այն էր, որ Աստված բացեց իմ հոգևոր աչքերը, և ես սկսեցի լցվել ինչ-որ վերերկրյա շնորհով, զորությամբ, վստահությամբ, որ ես ներված ու ընդունված եմ Աստծո կողմից:
Իմ աշխարհայացքը ամբողջությամբ փոխվել էր: Ես արդեն հաստատապես գիտակցում էի, թե ինչի համար եմ ապրում, ինչ է ինձ սպասվում առջևում, և ինչ է պետք անել: Իմ մարդկային բնությունը սկսվել էր փոխվել: Աստված կարճ ժամանակում փոխեց այն, ինչն ինքս չէի կարողանում փոխել ամբողջ կյանքիս ընթացքում:
Տերը իմ սրտում դրեց ծառայել թմրամոլներին, օգնել նրանց՝ դառնալ դեպի Աստված: Եվ ես անկեղծորեն ու ողջ սրտով ցանկանում եմ փրկություն և բժշկություն այդ մարդկանց: Ես շնորհակալ եմ Աստծուն Իր փրկագնող զոհի համար և այն ամենի, ինչ նա արել և շարունակում է անել իմ կյանքում: Շնորհակալ եմ, որ Նա ընտրության հնարավորություն է տվել յուրաքաչյուր մարդու:
Следующая публикация
Нет комментариев