#эльзакузьмина
Кече кечым покта, илышнаже йорта,
Она пале эрла, мо лиеш гын, ала?
Тылзе почеш тылзе, илыш мундырам ронча,
Кöн мыняр кодеш, Юмо вел пала...
Кажне еҥын - шкежын илыш мундыра
Ош кыне, порсын, йытын, але меж шÿртан
Кöн мундыра кугу, южыжын кокла
А весын - пеш изи, но моткоч чот йытыра!
Кöжын илыш корно, вынер лопкыт веле,
Марий калык, тыгерак ойла,
Но тиде корно - патыр, вияш корно
Шÿртö рончалтеш, да каваш шумеш шуйна...
Кугу мÿшкыр тöра-влакын мундыра,
Шöртньö, ший да порсын шÿртö.
Нунын шÿртö пайремлан да кечылан гына
Чоным, капым меж мундыра вел ырыкта...
А мыйын мундыра, шижам, пеш тÿрлö,
Шÿртыжат ошо, шеме - иктеш пÿтырмö
Пÿрымашлан тауштем, сöрвален йодам,
Рончалт тöр, кужунрак шуйналт, шÿртемжат ит пÿтырнö...
07.07.2024 ий
Эльза Кузьмина
Ӱлыл Азъял ял
Присоединяйтесь к ОК, чтобы подписаться на группу и комментировать публикации.
Комментарии 3
Илыш- тиде мундыра, чын, тудым перегаш да илышым умылен мошташ кӱлеш, тиде илышыште шкендым лугаш огыл, тыге илыш кылдышым рудаш да илыш корным умбакыже шуяш манын, эреак эскерен шогаш кӱлеш. Чын возенат: илышын мундыраже тӱрлӧ да тӱрлӧ кӱжгытан ...шӱртӧ дечат кӱжгӧ. Тиде темылан пеш шуко вощаш лиеш.