Ես քո հարցերին պատասխան չունեմ,ինձ ու քեզ կապող այդ միակ սերը, երկուսիս համար այլ մոտեցում է,այլ հասկացություն
ու պատկերացնում։
Չգիտեմ ինչ է սերը քո համար,
Քեզ ինչպես պիտի ես բացատրեմ ,որ սերն ինձ համար խոսք ու բառեր չեն,
Ոչ էլ նվերներ, թանկ ,երևելի,կամ հարգանք ,պատիվ։
Սերը ինձ համար սրտիս թրթիռն է քեզ կարոտելիս ու քեզ տեսնելիս։
Սերը ,սիրտս է մատներիս ծայրին ,որ քեզ է շոյում,դողով գուրգուրում,վախով աղոթում քո կյանքի համար։
Սերը հոգիս է ,թևածող կարոտ, փակ կոպերիս տակ։
Շուրթերիս վրա ելևէջները անունիդ բոլոր տառերից ծնված ։
Սերը կարոտս է աչքերիս միջով հոսում դեպի քեզ,ու քո հայացքից սարսուռ է անցնում մարմնիս միջով։
Սեր անբարբառ մի պարզություն է անարատ ,մաքուր մի զգացումի ,որին բյուրավոր բառերով անգամ չես կարողանա նկարագրել։
Մի փայլուն հայացք կա այս աշխարհում ,որին բոլորը սեր են անվանում։
Գիտեմ, որ սիրել պետք է հենց հիմա ,քանի կողքիդ եմ,ու գիտեմ, սիրել պետք է քանի կամ,չէ որ էլ հետո ոչինչ էլ չկա ցուրտ ամպերի մեջ, միայն երկնքի սառն հայելին է հուսախաբության ցոլանք բաշխելու,իսկ ես առանց քեզ անգամ դրախտին ուրախ չեմ լինի,եթե դրախտը մեզ կբաժանի։
Այ,այսպիսին է սիրո մասին իմ գիտակցությունը...
Դրախտի ճամփան թող երկար լինի,որ կարողանամ մեղքերդ մաքրել իմ աղոթքներով ու քեզ մեկանամ ,Աստծո օրհնության շապիկը հագած ,տիրոջ օրհնանքով հավերժին գնանք...
Նազելի Նաիրի
Присоединяйтесь к ОК, чтобы посмотреть больше фото, видео и найти новых друзей.
Комментарии 2