Предыдущая публикация
ს ა დ ღ ე გ რ ძ ე ლ ო
მშვიდობიანი წელი გქონდეს ჩემო ქვეყანა,
კეთილი მეკვლე გილოცავდეს ლამაზ გზა–სავალს,
ახალ წლის ღამეს შევსებული შვენის ფიალა,
ღმერთო, მაღალო, შეეწიე ჩვენს შვილ–მომავალს.
სასმისით ხელში ლექსად გეტყვი სურვილებს მრავალს,
შენს გზას დავლოცავ, ვიწროს, მაგრამ ტაძრისკენ მავალს,
შეყვარებულთა გულის ფეთქვას, ლაღსა და თამამს,
კაცსაც და ქალსაც სხვის არ გამჭორს, მისი გზით მავალს,
გაჭირვების დროს ხელს გამოწვდილს და სიტყვას ალალს,
გულს, მამულისთვის აძგერებულს, მის ხსნად და ფარად.
დედასამშობლოს ერთგულებას და არა ღალატს,
სინანულის ცრემლს, მამა ღმერთის წყალობას მრავალს.
გამოგეცალოს მტერი ისე, ვით ეს ფიალა,
კვართის აკვანო, მონატრებულს გიგზავნი სალამს,
ყველას დავლოცავ, ერთგულსა და სწორი გზით მავალს,
შენს წინსვლას ჩემო საქართველოვ, მარად და მარად!!!
/ნანა მეტრეველი/
Следующая публикация
Нет комментариев