26 ліпеня.
1511 - Наваградак атрымаў магдэбургскае права.
1592 - Памёр Ян Кішка, дзяржаўны дзеяч Вялікага княства Літоўскага, заснавальнік Івейскай арыянскай школы. Нарадзіўся каля 1540 г.
1720 - Пачаўся Замойскі сабор грэка-каталіцкай іерархіі Рэчы Паспалітай (доўжыўся да 17 верасня 1720 г.).
1792 - Мястэчка Астрына (цяпер Шчучынскі р-н) атрымала герб.
1931 - У в. Вінная (цяпер Высокамазавецкі пав. Падляскага ваяв., Польшча) памёр Міхаіл Пятроўскі, каталіцкі святар, педагог, грамадска-культурны дзеяч.
1933 - У Косаве (цяпер Івацэвіцкі р-н) памёр Францішак Грынкевіч, рэлігійны і культурны дзеяч.
1948 - Нарадзіўся Уладзімір Плешчанка (в. Вароны Віцебскага р-на), грамадскі дзеяч, старшыня Віцебскай абласной рады Кансерватыўна-Хрысціянскай Партыі Беларускі Народны Фронт.
1952 - Нарадзіўся Генадзь Кулажанка (г. Нароўля), актывіст беларускамоўнага самвыдату ў 1970-х гг. У ліпені 1981 г. падчас вайсковай службы знік без вестак у ваколіцах г. Герата (Аўганістан).
1978 - Памёр Аляксей Васіленя, грамадска-палітычны дзеяч, дзеяч беларускай эміграцыі ў Нямеччыне і Аўстраліі. Пахаваны на беларуска-украінскай частцы могілак Роквуд у Сіднеі (Аўстралія).
1989 - У Менску прайшоў масавы мітынг з патрабаваннем стварэння следчай камісіі па справе ўтойвання інфармацыі пра Чарнобыль.
1993 - Рашэннем Нацыянальнага банка Рэспублікі Беларусь у краіне спынена абарачэнне савецкіх грошай і ўведзена нацыянальная валюта — беларускі рубель.
1997 - У Менску пачаўся Другі з'езд беларусаў свету (доўжыўся 26-27 ліпеня).
Присоединяйтесь к ОК, чтобы подписаться на группу и комментировать публикации.
Комментарии 2