«Святы Пятро — жыта ядро»
13 ліпеня 2024 года
У 13.00
Пятроў дзень з’яўляецца старажытным земляробчым святам, якое адзначалася 12 ліпеня. Яго яшчэ называлі Пятро, Пятрок або Дзень Пятра і Паўла. У гэты дзень усе ўсхваляюць апосталаў Пятра і Паўла – заступнікаў сялян падчас цяжкай летняй працы: касьбы, працы на пашы і ў агародзе, жніва.
Пётр лічыўся заступнікам нівы, поля, асабліва грэчкі. Акрамя таго Пётр спрыяў паспяванню ўраджаю.
На Пятроў дзень прадказвалі надвор'е, варажылі, ладзілі масавыя гулянні з карагодамі і гушканнямі на арэлях.
Прапануем Вам даведацца больш пра гэта старадаўняе свята і правесці час на адкрытым паветры ў Беларускім дзяржаўным музеі народнай архітэктуры і побыту.
Вас чакае:
Расповед пра традыцыю святкавання Пятрова дня.
За дадатковую плату можна:
- набыць сувеніры ад народных майстроў;
- наведаць «Беларускую карчму», якая знаходзіцца на тэрыторыі музея.
Кошт квіткоў:
для дарослых – 11,00 руб.;
студэнтаў вышэйшых устаноў адукацыі (студэнцкі білет) – 5,50 руб.;
для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,50 руб.;
для дзяцей дашкольнага ўзросту – бясплатна.
Экспазіцыя музея працуе з 11:00 да 19.00. Каса працуе з 11:00 да 18:30.
Шаноўныя наведвальнікі!
Калі ласка, паклапаціцеся аб абутку і вопратцы згодна ўмоў надвор’я.
Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
Присоединяйтесь к ОК, чтобы подписаться на группу и комментировать публикации.
Комментарии 1